Dosar Biboron 8:14 - সান্তালী বাইবেল

¹⁴ Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 8:14 Referans Kwoze

Sereńko 106:21

Onkoren babańcaoicʼ Isor doko hiṛińkedea one okoe do Misorre maraṅ ar hahaṛawakʼkoe kạmiletʼ tahẽkan.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.

Dosar Biboron 17:20

Onate eṭakʼ Israel boehako khon bae usulokʼa ar ạn-ạri khon bae ghańjeṛokʼa. Onate uni ar uni bõsrenko Israelko cetanre ḍher dinko raj daṛeakʼa.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 8:13

unre aperen palren ḍaṅgrako, meromko, bhiḍikoko saṅge idikʼtapea ar aema sona-rupạ hoyokʼtapea ar jotowakʼ ḍherokʼtapea,

2 Rapajko 14:10

Edomren hoṛkom bhagao akatʼkote amakʼ mon do sạrige bạḍạite perecʼ akana. Ma ṭhonokokʼte dhirpurkokʼme, ar amakʼ oṛakʼrege tahenme. Cedakʼ muhin dom hoho ạgujoṅkana ar ona sãote Jihudạ reakʼ maraokʼ hõ?”

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Dosar Biboron 5:6

‘Ińge Probhu amren Isor. Misor disạm khon golam oṛakʼ khon ińgeń oḍok ạguakatʼmea.

Dosar Biboron 6:11

nokan bhage bhage jiniskote perecʼ oṛakʼ-duạrko ar okako jinis apnarte bape arjao akatʼ, dakʼ ḍạḍiko oka bape benao akatʼ ar nonkan darkha khetko ar jạitun bagwanko one onako reakʼ dareko bape rohoe akatʼ. Menkhan jom-ńũkate onḍe sontor akae tahenpe ar Probhu Isor do alope hiṛińea, one okoe do Misor disạm khon golam oṛakʼ khone oḍok ạgu akatʼpe.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

2 Rapajko 17:38

Ape lạgitʼ okaṭakʼ bondobos iń dohoakatʼ ona baṛe disạ dohokakʼpe; ar cele debotakoge alope sewawakoa,

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

Daniel 11:12

Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.