Dosar Biboron 8:1 - সান্তালী বাইবেল

¹ “Teheń okako hukum iń emapekan ona reakʼ mitʼke mitʼ manao reakʼ luturakʼpe, jemon jiwetʼpe tahen arpe saṅge idikʼ ar Probhu Isor aperen hapṛamko ṭhen okaṭakʼ disạm emape lạgitʼ kiriạkateye gokʼletʼ onḍe bolokate onape ạidạri daṛeakʼ.

Dosar Biboron 8:1 Referans Kwoze

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.