Dosar Biboron 7:6 - সান্তালী বাইবেল

⁶ Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Dosar Biboron 7:6 Referans Kwoze

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Dosar Biboron 26:19

Uni doe lại sodoretʼkana, sarhao, man ar sabasi secʼte sirjạuren sanam jạtrenko cetanre uni doe dohopeya ar aperen Isor Probhu Isorakʼ gokʼakʼ lekate apege uni ńutumte begar akan jạtrenpe hoyokʼa.”

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Amos 3:2

“Dhạrtiren sanam jạtrenko tala khon iń do eken apegeń bachao akatʼpea; ar onate apeakʼ sanam kại iạte apegeń sạjạipea.”

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”

2 Patras 2:5

Uni do mare dhạrtirenko hõ bae aṛakʼletʼkoa, bickom Isor bin bhokti hoṛkore ḍubạ dakʼe ạguleda; menkhan Noha ar eṭakʼ eae hoṛ doe bańcaoletʼkoa. Ar nui Nohage Isor bhokti reaṅe porcarleda.

Dosar Biboron 28:9

“Aperen Probhu Isorakʼ kathakope manao arpe ganao ar uniyakʼ hortepe taṛam enḍekhan uni do acʼakʼ gokʼakʼ lekate, acʼren begar akan jạtrenko lekateye teṅgo rakapʼpea.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

Aposkạmi 13:17

Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Dosar Biboron 26:18

Probhu Isor hõ teheńgeye lại sodoretʼkana, acʼakʼ gokʼakʼ lekate ape do uniren kanape. Onate uniyakʼ hukum leka senokʼ hoyokʼtapea.

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

1 Rapajko 3:8

Ar amren guti do nonḍe amem bachao akawan hoṛko talarege menaea. Ar onko do nonkan mitʼṭecʼ maraṅ jạtren kanako, one onko do ohoko lekha caba daṛelen.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Jesaea 41:9

iń do dhạrti reakʼ ses simạna khoniń hoho ạguakatʼmea. Ińiń metatʼmea, ‘am do ińren guti kanam,’ iń do amiń bachao akatʼmea, ar bạń dea gidiakatʼmea.

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Levitikus 20:26

Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Sereńko 114:2

unre Jihudạ do Isorakʼ sonot ṭhạ̃i hoyena, ar Israel do ona reakʼ rajosṭige.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Jeheskel 20:5

Onkom metakoa, Probhu Isore meneda, ‘oka hilokʼ Israeliń bachaolede enhilokʼ Jakob bõsren hoṛko ṭheniń kiriạlena ar Misorre onko ṭheniń sodorlena. Iń do kiriạkate onkoń metatʼko tahẽkana, ińkangeạń onkoren Probhu Isor do.