Biblia Todo Logo
Bib sou entènèt

- Piblisite -




Dosar Biboron 7:25 - সান্তালী বাইবেল

25 Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Gade chapit la Kopi




Dosar Biboron 7:25
22 Referans Kwoze  

Ar onkoko benao akade uni mĩhũ do seṅgelreye khadlekadea. Ar uniye gejerkedete dakʼreye giḍikeda ar Israelko ona dakʼe ńu ocoketʼkoa.


Philisṭiko do akoren murhutʼko onḍegeko giḍi oṭoletʼko tahẽkana. Ar Dạudakʼ hukumte hoṛko do onko murhutʼko seṅgelreko atar giḍikatʼkoa.


“Aperen Probhu Isor ńutumte nonkan ḍaṅgra se merom boda se bheḍa hõ alope samaṅkoa okoe do niphuṭ utạrko baṅkan, ente uni do onakoe hirkhạwakʼa.


iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”


Onkoakʼ than boṭkocʼko, onkoakʼ sewawakʼ dhiriko, murhutʼ khunṭiko ar debotawakʼ muṭhạnkope rạputʼ giḍikakʼa ar nonkate onako jaega khon onkoren debotakoakʼ ńutumpe meṭao utạra.


Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”


Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.


Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.


Ape do onko jạtrenkoakʼ pinḍkope rạputʼ giḍikatakoa, ar pujạ reakʼ dhirikope gejertakoa, Asera khunṭiko hõpe rạputʼ giḍikatakoa ar boṅga muṭhạnko do seṅgelrepe khadle giḍikakoa.


Uniyakʼ moloṅre nonkan ńutum ol tahẽkana one ona reaṅ mitʼṭecʼ okoakʼ menakʼ. Ona ńutum do kana, “Maraṅ Babel, kusmbiko ar dhạrti reakʼ joto hirkhạwakʼkoren eṅgat.”


Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.


Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.


Moseye menkeda, “Menkhan noa do cetʼ ṭhikakʼ hoyokʼa? Aleren Probhu Isor ńutumte ale okaṭakʼle samaṅ ona do Misorrenko ṭhen hirkhạwakʼkana. Misorren okaṭakʼko hirkhạwakʼ ona dãṛẽ onkoakʼ mẽtʼãhã samaṅrele samaṅ khan onko do cetʼ dhirite bako tińlea?


“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”


Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.


Josiạ do sewa reakʼ dhiriko hõe rạputʼ gejerkada ar Asera khunṭiko hoẽ makʼ khanḍa khunḍikada ar ona ṭhạ̃ire uni do manwakoakʼ jaṅkoe ḍạṅkada.


Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.


‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’


Menkhan ape do sạrige cele hõpe baṅkana, ar apeakʼ kạmiko hõ cetatakʼge baṅkana; ar okoe apeye bachaope uni doe hirkhạwạnicʼ kana.


Swiv nou:

Piblisite


Piblisite