Dosar Biboron 7:24 - সান্তালী বাইবেল

²⁴ Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

Dosar Biboron 7:24 Referans Kwoze

Josuạ 23:9

“Ape samaṅ khon maraṅ ar daṛean jạtrenko do Probhu Isorgeye laga ńir akatʼkoa. Teheń hạbicʼ okoehõ ape samaṅre bako ṭeṅgo ṭarhao daṛe akawada.

Josuạ 10:8

Probhu Isor do Josuại metadea, “Alom botorakoa; onko do amakʼ tireń soprotkoa. Onko do okoege am samaṅre bako teṅgo ṭarhao daṛeakʼa.”

Dosar Biboron 11:25

Jãhãn jạtrenge ape samaṅre bako teṅgo daram daṛeapea. Ar ona disạmre jãhãtegepe calakʼ aperen Probhu Isor do acʼakʼ gokʼakʼ lekate onḍenko hoṛkoakʼ monre ape reaṅ mitʼṭen botore caṛhao ocoytakoa.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Dosar Biboron 9:14

Ar alom tạkicʼ daramińạ; onko doń marao utạrkoa ar dhạrti khon onkoakʼ ńutumiń meṭao utạrtakoa. Ar ona tayom do am hotete arhõ daṛean ar maraṅ mitʼṭen jạtrenkoń sirjạukoa.’

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

1 Korinthiko 15:57

Menkhan Isore sarhaokʼma, one uni jite emabon kan aboren Probhu Jisu Mạsi hotete.

Sephaniạ 1:4

“Jihudạ upạrte ar Jerusalemre girobasokʼ kan sanamko upạrte ińakʼ tiyiń rakabtińạ. Niạ disạm khon Bakʼal debota sewawae reakʼ jotowakʼko ar lạṭu ar kạticʼ hudạren sanam naekekoń marao utạrkoa.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

Sereńko 9:5

Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Dosar Biboron 25:19

Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

Dosar Biboron 9:3

Menkhan ape do niạ katha baḍae dohokakʼpe, aperen Probhu Isor do ḍahao maraoakʼ seṅgel leka ape lahate jordan gaḍae parom maṛaṅokʼ kana. Unige onkoe kạbukoa are marao utạrkoa; unige ape ṭhene bhagao ocokoa; Ar Probhu Isor ape ṭhen oka as reakʼ kathae emakan onkage uni doe laga ńirkoa ar thoṛa ghạṛicʼtegeye marao utạrkoa.

Josuạ 6:2

Unre Probhu Isor do Josuại metadea, “Ńelme, iń do Jerikho nagraha, ar onaren raj ar onaren sanam bir lạṛhạiko amakʼ tireń jimạ akatʼkoa.

Josuạ 10:23

Onate ona dander khon onko mõṛẽ goṭen rajko oḍok ạguketʼkoa. Noko do Jerusalem, Hebron, Jarmut, Lakhis ar Eglonren rajko tahẽkana.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.

Josuạ 23:3

Ar aperen Probhu Isor do ape lạgitʼ onko jạtrenko cetanre okae ceka akatʼ ona do apeakʼ mẽtʼtegepe ńelana. Aperen Probhu Isor do acʼ apnarge ape huyạteye lạṛhại akana.