Dosar Biboron 7:23 - সান্তালী বাইবেল

²³ Aperen Probhu Isor do apeye soprotapea onko ạuriko marao utạrokʼ hạbicʼ.

Dosar Biboron 7:23 Referans Kwoze

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Dosar Biboron 9:3

Menkhan ape do niạ katha baḍae dohokakʼpe, aperen Probhu Isor do ḍahao maraoakʼ seṅgel leka ape lahate jordan gaḍae parom maṛaṅokʼ kana. Unige onkoe kạbukoa are marao utạrkoa; unige ape ṭhene bhagao ocokoa; Ar Probhu Isor ape ṭhen oka as reakʼ kathae emakan onkage uni doe laga ńirkoa ar thoṛa ghạṛicʼtegeye marao utạrkoa.

Dosar Biboron 8:20

Probhu Isor do ape samaṅre jạtrenkoe marao giḍi akatʼko leka Probhu Isorakʼ bebatao iạte ape hõpe marao utạrokʼa.

Dosar Biboron 2:15

Ḍera khon maraoko lạgitʼ Probhu Isorge onko upạrteye kạmikeda, onko ạuriko marao caba utạrokʼ hạbicʼ.

Exodus 23:27

“Jãhae jạtrenko ṭhenpe calakʼre onkoakʼ monre iń reaṅ botoriń caṛhaoakoa ariń andmandao ocokoa. Ar aperen bạiriko do ape khonko ńir pharakokʼa.

Josuạ 10:10

Probhu Isor do Israelko samaṅre onkoe andmandao ocoketʼkoa. Onate Probhu Isor do Gibeonre Israelko hotete onkoren ḍher hoṛe gocʼketʼkoa. Beth-Harante rakapʼ calao akan horre Probhu Isor do Israelko hotete onkoe khudạu idiketʼkote Aserka ar Makeda hạbicʼ goṭa hore ńẽtʼ idiketʼkoa.

Bikʼcạrko 4:15

Barak do tinre onko cetanre jhãpe emkeda unre uni samaṅre Probhu Isor do Sisera ar uniyakʼ sanam rãt gạḍi ar lạṛhại phạdkoe andmandao ocoketʼkoa. Unre Sisera do acʼakʼ rãt bạgikateye dạṛkeda.

Dosar Biboron 31:5

Onko do apeakʼ tireye jimạkoa ar oka cekae reakʼ iń hukumatʼpe onape onkaea.