Dosar Biboron 7:21 - সান্তালী বাইবেল

²¹ Ape do alope botorakoa, ente aperen Probhu Isor do ape talare menaea, uni doe maraṅgea are botorangea.

Dosar Biboron 7:21 Referans Kwoze

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Nehemiạ 1:5

Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

1 Korinthiko 14:25

Onate acʼakʼ ontor reakʼ okoakʼko sodorokʼtae, ar uni do otre ombakʼkate Isor sarhaoeteye mena, “Sạrige Isor do apere menaegea.”

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

1 Samuel 4:8

Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.

Dosar Biboron 25:8

Unre onḍenko murubbi do uni hoṛ hohowaeteko bujhạuaea. Ar ona tayom hõ uni baplaye lạgitʼ bae rạjikʼ,

Numeri 23:21

Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

Numeri 14:42

Alope rakapʼ calakʼa, ente Probhu Isor do ape soṅgere bạnuiya. Bạiriko ṭhenpe bhagao ocokʼa.

Numeri 14:14

Unre Misorrenko do ona katha niạ disạmren hoṛko lạiyakoa. Ar E Probhu Isor, niạ disạmren hoṛko ańjomakada, am do Israelrenko sãotem tahenkana, ar E Probhu Isor, am do samna sạmnim sodorakana. Onkoko ańjom akada, amakʼ rimil khunṭi do onko cetanre menakʼa ar siń do rimil khunṭire ar ńindạ do seṅgel khunṭire onko laha lahatem calakʼkana.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Numeri 9:20

Oka oka do sekʼwa tạmbu cetanre rimil thoṛa din tahenkan tahẽkana. Ar Israelko do Probhu Isorakʼ hukum lekage ḍerareko tahenkan tahẽkana ar uniyakʼ hukum lekageko uṭhạukʼkan tahẽkana.

Exodus 29:45

Iń do Israelren Isor hoekate onko talareń girobasokʼa.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Numeri 13:9

Benjamin gusṭiren Raphu hopon Palṭi;

Numeri 21:34

Unre Probhu Isor do Moseye galmaraoadea, “Og raj do alom botoraea, ente uniyakʼ disạm uni ar uniren lạṛhại phạdko do amakʼ tireń jimạ akatʼkoa. Amorikoren Sihon raj, okoe do Hesbonreye rajokʼkan tahẽkan, uniyakʼ oka dosań hoyocoletʼtae onkage nuiyakʼ hõ hoyokʼtaea.”

Dosar Biboron 1:21

Ar ńelpe, aperen Probhu Isor emakʼ goṭa disạmge ape samaṅre menakʼa. Aperen hapṛamkoren Probhu Isorakʼ katha leka senkate ape do disạm dokhol joṅpe. Ar alope botorokʼa, ar alope as chuṭạukʼa.’

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Josuạ 8:1

Probhu Isor do Josuại metadea, “Alom botorokʼa ar alom hadosokʼa. Amren sanam lạṛhại phạdante am do Ae nagraha cetanre arhõ jhãp emme. Iń do Ae nagraharen raj, uniyakʼ nagraha ar disạm hõ amakʼ tireń jimạ akada.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 89:8

E Probhu, sanam daṛean Isor, okoe menaea am lekan daṛeanicʼ do, E Probhu? Amakʼ pạtiạrtetʼge am doe esetʼ ạcur akatʼmea.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.