Dosar Biboron 7:16 - সান্তালী বাইবেল

¹⁶ Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Dosar Biboron 7:16 Referans Kwoze

Exodus 23:33

Apeakʼ disạmre alope girobas ocoakaoa. Arpe tahẽ ocoako khan onko do iń upạrte kại secʼko or idipea, ar onkoren deb-debikope sewawako khan khạṭige jhãmparepe paṛaokʼa.”

Bikʼcạrko 8:27

Gideon do onako sonate mitʼṭecʼ ephode benao ocoketʼa ar acʼakʼ ato Ophrareye dohokeda. Ar Israelko do onḍe ona ephod sewawakʼko ehopʼena arko laṭghaṭkeda. Gideon ar uniyakʼ gharońjrenko lạgitʼ onage mitʼṭecʼ jhampa leka hoyena.

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

Dosar Biboron 25:12

enḍekhan uni maejiuakʼ ti do samakʼ giḍikakʼ hoyokʼa. Uni do alogepe dayawaea.

Dosar Biboron 19:21

Uni hoṛ do daya hõ alope dayawaea, jiwi bodol jiwi, mẽtʼ bodol mẽtʼ, ḍaṭa bodol ḍaṭa, ti bodol ti ar jaṅga bodol jaṅga reakʼpe hala hạliya.

Dosar Biboron 19:13

Unre uni do alogepe dayawaea. Israelko tala khon bin dusạn hoṛkoakʼ mãyãm reakʼ dospe meṭao utạra. Ar onate bhạlại hoyokʼtapea.

Dosar Biboron 13:8

enḍekhan uniyakʼ do alom luturakʼa ar ańjom hõ alom ańjomtaea. Uni do alom dayawaea; ar alom aṛagea, se alom rukhiyạyea.

Sereńko 106:36

Onkoren murtikoko sewawatʼkoa ar onko do akoren jhampako hoyena.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Bikʼcạrko 3:6

Onko do onkoren kuṛikoko baplayetʼko tahẽkana ar ako hõ akoren kuṛiko onkoren koṛako lạgitʼko emokʼkan tahẽkana ar onkoren debotakoko sewawako kan tahẽkana.

Bikʼcạrko 2:3

Ona iạte ńitokʼ iń metape kana, ape ṭhen khon noko hoṛ do ar bạń laga oḍokkoa; onko do ape lạgitʼ jhampa lekako hoyokʼa, ente onkoren debotakoakʼ jhạlirepe paṛaokʼa. ”

Numeri 33:55

“Menkhan ona disạmren hoṛko bape laga ńirko enḍekhan okoepe tahẽocoako onko do apeakʼ mẽtʼre bạ̃ṛsi leka ar pańjra reakʼ jạnum lekako hoyokʼa. Ar ona disạmrepe girobasokʼre onko do apeko cipạpea.

Bikʼcạrko 2:12

Onkoren hapṛamkoren Probhu Isor, okoe do Misor disạm khone oḍok ạguletʼko tahẽkan uni do jaogeko bạgiyaekan tahẽkana. Onko do ako beṛhaeten jạtren eṭakʼ eṭakʼ debota secʼko ạcurokʼkan tahẽkana arko pujạwako kan tahẽkana, ar onkate Probhu Isorakʼ pitko caṛhao ocoyetʼ tahẽkana.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

Sereńko 106:34

Isorakʼ hukum bebataokate onko do eṭakʼ jạtrenko bako maraoletʼkoa,

Dosar Biboron 13:9

Uni do gojetege hoyokʼa. Ar uni gocʼ giḍikae reakʼ kạmi do amakʼ titege ehob hoyokʼtama, ar inạ tayom do eṭakʼkoko seledokʼa.