Dosar Biboron 7:14 - সান্তালী বাইবেল

¹⁴ Ape do eṭakʼ hoṛko khon ḍher bhorpe ńama. Aperen okoe hõ bạńjhi do bako tahena ar aperen ạsul janwarko hõ bańjhi do bako tahena.

Dosar Biboron 7:14 Referans Kwoze

Dosar Biboron 28:4

“Ar bhorpe ńamte apeakʼ gharońjren hopon ar hoponerako hõ bhoranko hoyokʼa, ar apeakʼ khet baṛgere ḍher phosol hoyokʼtapea ar mĩhũ- merom ar bhiḍiko hõ ḍherko bạḍokʼtapea.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Dosar Biboron 28:11

Ar okaṭakʼ disạm emape reakʼ Probhu Isor do aperen hapṛamko ṭhene gokʼletʼ ona disạmre ạḍiye bhorapea, metakʼme apeakʼ gharońjkoren hopon ar hoponerako do bhoranko hoyokʼtapea, mĩhũ, merom ar bhiḍiko hõ ḍherko bạḍokʼa ar khetre hõ ḍher phosol hoyokʼtapea.

Levitikus 26:9

Unre iń do daya mẽtʼteń ńelpea ar apeń bạḍ ocopea ariń saṅge ocopea, ar ape sãote ińakʼ bondobosiń bandhaoa.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Numeri 22:12

Menkhan Isor do Biliame metadea, “Noko hoṛ sãote alom calakʼa ar onko hoṛ hõ jãhãnakʼ alom sarapakoa, ente onko do ińren bhoran hoṛ kanako.”

Dosar Biboron 30:9

“Unre aperen Probhu Isor do sanamakʼteye bhạlạiypea. Uni do kạmikoreye bhorapea ar aperen hopon ar hoponerakoe saṅgekoa, mĩhũ-meromkoe bạḍ ocokoa ar jumi reakʼ phosole ḍher ocoytapea. Aperen hapṛamko cetanre uniyakʼ oka rạskạ tahẽkan ape cetanre hõ ona rạskạ iạtegeye bhạlạiypea.