Dosar Biboron 7:13 - সান্তালী বাইবেল

¹³ Uni do apeye dulạṛpea, are bhorapea ar aperen hoṛkoe saṅge ocopea. Ar okaṭakʼ disạm emokʼ lạgitʼ aperen hapṛamko ṭhene gokʼletʼ tahẽkan ona disạmteye aderpea. Onate aperen do ḍher hopon ar hoponerako hoyokʼtapea, ar apeakʼ jumi khon ḍher anajko, darkha rasako ar sunumkope ńama, ar aperen bhiḍi, merom, ḍaṅgrako hõ ạḍi ḍherko hoyokʼtapea.

Dosar Biboron 7:13 Referans Kwoze

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Johan 15:10

Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Dosar Biboron 28:11

Ar okaṭakʼ disạm emape reakʼ Probhu Isor do aperen hapṛamko ṭhene gokʼletʼ ona disạmre ạḍiye bhorapea, metakʼme apeakʼ gharońjkoren hopon ar hoponerako do bhoranko hoyokʼtapea, mĩhũ, merom ar bhiḍiko hõ ḍherko bạḍokʼa ar khetre hõ ḍher phosol hoyokʼtapea.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Dosar Biboron 7:7

“Eṭakʼ jạtrenko khonpe ḍherge iạte Probhu Isor do apeye dulạṛ akatʼpea seye bachao akatʼpea ona do baṅa, ente eṭakʼ jạtrenko khon apeakʼ lekha do thoṛagea.

Sereńko 11:7

Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.

Levitikus 26:9

Unre iń do daya mẽtʼteń ńelpea ar apeń bạḍ ocopea ariń saṅge ocopea, ar ape sãote ińakʼ bondobosiń bandhaoa.

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Dosar Biboron 30:5

Uni do aperen hapṛamkoakʼ disạmteye ruạṛ ạgupea ar ape do arhõ onape hat ruạṛa. Uni do ạḍiye bhạlạiypea ar aperen hapṛamko khon hõ ḍhere saṅge ocopea.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Sereńko 146:8

Probhu Isor do kãṛãko ńeńel reakʼ daṛeye emako kana; ar kuḍbur akanko doe sojheyetʼkoa; Probhu Isor do dhorom hoṛkoe dulạṛetʼkoa.

Kạhtukko 15:9

Probhu Isor do bedhoromkoakʼ hore hirkhạwakʼa, menkhan okoe hok reakʼ kạmi lạgitʼko laha idikʼ onko doe dulạṛkoa.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.