Dosar Biboron 6:7 - সান্তালী বাইবেল

⁷ Ar aperen hoponko hõ ghane ghạṛicʼ onako cetʼakope. Oṛakʼrepe duṛupʼkokʼre, horte calakʼre, gitijokʼre ar aṭetʼ khon beredokʼre ape do niạkope cetʼakoa.

Dosar Biboron 6:7 Referans Kwoze

Dosar Biboron 11:19

Ar aperen hoponko onakope cetʼakoa. Oṛakʼre duṛupʼkokʼ oktere, calakʼ oktere, gitijokʼ oktere ar beredokʼ oktere noako reaṅpe galmaraoakoa.

Ephesiko lạgitʼ Pạul Apostolakʼ ciṭhi 6:4

E babako, aperen gidrạko alope ạṛis ocokoa, bickom Probhu Isorakʼ ḍanṭao ar sikhạunate hara burukope.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Dosar Biboron 6:2

Onate ape ar aperen hoponko, goṛom gidrạko do Probhu Isorpe botoraete uniyakʼ noa hukum ar ạn-ạriko jiwetʼ jonompe manao idite ḍher din jiwetʼpe tahena.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Kạhtukko 6:22

Calakʼ jokhecʼ ona do hore udukʼama, ar jạpitʼ jokhecʼ ame horhomea arem ebhenlen khan am sãote kathae roṛa;

Luk 6:45

Bhage hoṛ do acʼakʼ ontorre perecʼ bhageakʼ khon bhage kathageye oḍok ạguiya, ar bạṛicʼ hoṛ do acʼakʼ ontorre perecʼ bạṛicʼakʼ khon bạṛicʼ kathageye oḍoktaea. Manwa ontor okaṭakʼte perecʼ menakʼ, moca do ona kathageye roṛa.

Mathae 12:35

Bhage hoṛ do acʼakʼ bhageakʼ khon bhageakʼgeye oḍoka, ar bạṛicʼ hoṛ do acʼakʼ bạṛicʼ babaeakʼ khon bạṛicʼakʼgeye oḍoka.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Kạhtukko 15:2

Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Sereńko 129:8

Okoe onko hoṛ aṛeteko sen paromokʼ onko hõ bako mena, “Apere Probhu Isorakʼ bhor baṛe tahenma; Probhu Isorge apeye bhạlạiype ma.”

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Sereńko 37:30

Isor botoraekoakʼ moca do akel reakʼ kathae lại jạhira; onkoakʼ alaṅ do dhorom bicạr reakʼ kathageye roṛa.

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

Rut reakʼ kạhini 2:4

Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”

Sereńko 71:17

E Isor, juạn okte khon amge sikhnạtem em akawạdińạ; ar teheń hõ amakʼ hahaṛa kạmi reakʼ kathań porcareda.

Jesaea 38:19

Eken jiwetʼkoge, hẽ jiwetʼkoge am doko sarhaomea cetʼleka teheń amiń sarhaoetʼme; apat do acʼren hoponko amakʼ gokʼakʼ reakʼ kathae lạiyako leka.

Jobakʼ 8:10

Onko ṭhen khon am do cecetʼakʼ ar solham ńama; ar onko okako baḍae onageko lạiyama.

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.