Dosar Biboron 6:6 - সান্তালী বাইবেল

⁶ Niạko hukum okaṭakʼ do teheń apeń emapekan ona do apeakʼ ontorre rebetʼ dohokakʼpe.

Dosar Biboron 6:6 Referans Kwoze

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Kạhtukko 7:3

Amakʼ kạṭupʼkore onako bedhao dohokakʼme, ar amakʼ ontorre ol dohokakʼme.

Dosar Biboron 11:18

Apeakʼ mon ar ontorre ińakʼ noako kathape rebetʼ dohokakʼa, ar disạ dohoy reakʼ cinhạ lekate tire hõpe tolkakʼa ar mạndạli leka cạndirepe dohoya.

Sereńko 37:31

Onkoren Isorakʼ hukum do onkoakʼ ontorre menakʼa; onkoakʼ jaṅga do baṅ leńjedokʼtakoa.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Kạhtukko 3:5

Amakʼ goṭa ontorte Probhu Isorre bhorsa akae tahenme; ar amakʼ bujre do alom bhorsakʼa.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Sereńko 119:98

Amakʼ sanam hukumkoge ińren bạiriko khon akelanicʼe hoyocoyediń kana, ente onako do sanam ghạṛicʼ iń soṅgete tahẽnkana.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

2 Johan 1:2

Oka sạriyakʼtetʼ aboakʼ ontorre menakʼ ar jaejug hạbicʼ abo tulucʼ tahenkan ona sạriyakʼtetʼ iạtege ale do apele dulạṛetʼpea.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

2 Samuel 22:23

Isorakʼ joto ạn-ạriko do iń samaṅre menakʼa; ar uniyakʼ ạn ạri khon do bạń ocokʼ akana.

Dosar Biboron 11:20

Apeakʼ oṛakʼ duạr reakʼ kapaṭre ar phaṭok duạrre onakope ol dohokakʼa.

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.

Sereńko 119:30

Iń do pạtiạr reakʼ horiń bachao akawana; amakʼ ạn ạriko iń samaṅreń dohoakada.