Dosar Biboron 6:4 - সান্তালী বাইবেল

⁴ “E Israelko ańjompe, aboren Probhu Isor doe mitʼ goṭengea.

Dosar Biboron 6:4 Referans Kwoze

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 10:30

“Iń ar Baba doliń mitʼgea.”

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Dosar Biboron 5:6

‘Ińge Probhu amren Isor. Misor disạm khon golam oṛakʼ khon ińgeń oḍok ạguakatʼmea.

2 Rapajko 19:5

Hiskiạ rajren kạmiyạko do tinre Jesaea nạbi ṭhenko hecʼena unre Jesaea do onkoe metatʼkoa, “Aperen kisạ̃ṛpe metaea, Probhu Isore meneda, ‘okaṭakʼem ańjomakatʼ, metakʼme Ạsur rajren gutiko iń upạrte oka henosta kathako roṛ akatʼ onate am do alom botorokʼa.

Mathae 22:37

Jisu do uniye metadea, “Sanam khon maraṅ ar jạruṛokʼakʼ hukum do hoyokʼ kana,

Luk 10:27

Uni dhorom guru doe roṛ ruạṛkeda, “Probhu amren Isor do amakʼ goṭa ontorte, amakʼ goṭa jiwite, ar amakʼ goṭa daṛete dulạṛem, ar am aḍepaseren hoṛ apnar leka dulạṛem.”

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Ephesiko lạgitʼ Pạul Apostolakʼ ciṭhi 4:6

ar sanamkoren Isor Baba hõ onka leka mitʼ goṭenge menaea. Unige sanamko cetanre, sanamko talare ar sanamkoakʼ ontorre menaea.

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

2 Bõsbudạ 17:9

Probhu Isorakʼ ạn-ạri reakʼ puthi soṅgekate onko do Jihudạ disạm reakʼ sanam jaegare senkate ona khonko cetʼatʼkoa.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Sereńko 78:5

Uni do Jakob bõsrenko cetanre acʼakʼ hukume teṅgokeda, Israel jạtrenko lạgitʼ uniyakʼ ạn ạrikoe bandhaokeda; ona ạn ạriko akoren gidrạko cetʼako lạgitʼ uni do aboren hapṛamkoe hukumatʼko tahẽkana,

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.