Dosar Biboron 6:3 - সান্তালী বাইবেল

³ E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Dosar Biboron 6:3 Referans Kwoze

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Aposkạmi 7:17

“Abraham ṭhen Isor okaṭakʼe gokʼletʼ tahẽkan ona purạukʼ reakʼ okte seṭeren khan Misorre aboren hoṛ doko saṅge idiyena.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Sosolhayic̕ 8:12

Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.

Dosar Biboron 4:6

Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jirimiạ 42:6

Ale okoe ṭhenle koletʼme uni Probhu Isorakʼ kathare ale do tabe akaele tahena baṅ dole kusiyakʼ baṅ do baṅ enhõle ańjomtaea. Ar aleren Probhu Isorakʼ kathale bataotae khan ale do bhage hoyokʼtalea.”

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Dosar Biboron 8:8

Onḍe do guhumko, jaoko, darkha joko, loa dareko, ḍạlim dareko, jạitun dareko ar dumur rasako menakʼa.

Dosar Biboron 26:9

Uni do nonḍeye ạguketʼbona ar toa-dumur rasate perecʼ noa disạme ematʼbona.

Dosar Biboron 26:15

E Probhu Isor, amakʼ sonot tahen ṭhạ̃i khon baṛe beṅgedme ar amren hoṛ baṛe beṅgetʼakome, metakʼme Israelko baṛe bhoraleme. Aleren hapṛamko ṭhen amakʼ gokʼakʼ lekate toa ar dumur rasate perecʼ okaṭakʼ disạmem emakawatʼle noa disạm hõ bhorakʼtaleme.’

Dosar Biboron 27:3

ar onako cetanre ạn-ạri reakʼ kathakope ol dohokakʼa. Aperen hapṛamkoren Probhu Isor do acʼakʼ gokʼakʼ leka toa ar dumur rasate perecʼ okaṭakʼ disạmteye idipe lạgidokʼkan onḍepe bololen tayom,

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Sereńko 119:4

Am do ạn ạrikom ṭhik dohoakada jemon joton salakʼ onale manao.