Dosar Biboron 6:22 - সান্তালী বাইবেল

²² Probhu Isor do aboakʼ mẽtʼ samaṅre Pharao ar uniyakʼ oṛakʼren sanamko cetanre ar Misor disạm cetanre maraṅ ar botoranakʼ cinhạko ar hahaṛa kạmikoe kạmileda.

Dosar Biboron 6:22 Referans Kwoze

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Sereńko 91:8

Bedhorom hoṛko cetʼleka kuṛạiko ńam ona do eken mẽtʼtem ńela.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Dosar Biboron 4:3

“Probhu Isor do Bakʼal-Peorre okae cekaletʼ ona ma nijạrakʼ mẽtʼtegepe ńelakatʼ. Apeko modren okoe do Peorren Bakʼal debotako sewawae kan tahẽkan aperen Probhu Isor do onko mimitʼko ape tala khone marao akatʼkoa.

Dosar Biboron 3:21

“Onako dinre iń do Josuạń metadea, ‘aboren Probhu Isor do nukin raj cetanre okae cekaketʼ ona do amakʼ mẽtʼtegem ńelkeda. Ar okarepe calakʼkan onḍenakʼ sanam rajosṭiko reakʼ hõ Probhu Isor do onkageye hoeocoya.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Sereńko 135:9

E Misor, uni do am talare Pharao ar uniren kạmiyạko birudre acʼakʼ cinhạ ar hahaṛa kạmikoe kạmileda.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Dosar Biboron 6:21

Unre onkope metakoa, ‘Misor disạmre abo do Pharaoren golam bon tahẽkana, menkhan Probhu Isor do acʼakʼ daṛeanakʼ tite onḍe khone oḍok ạguakatʼ bona.

Dosar Biboron 6:23

Menkhan onḍe khon uni doe oḍok ạguakatʼ bona jemon aboren hapṛamko ṭhen oka disạm emokʼ reakʼe gokʼletʼ ona disạme emabon.

Sereńko 136:4

Okoe do eskarge maraṅ ar hahaṛawakʼkoe kạmikan uni gun manao joharaepe; ente uniyakʼ dulạṛ do jaejuggetaea.