Dosar Biboron 6:18 - সান্তালী বাইবেল

^18-19 Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Dosar Biboron 6:18 Referans Kwoze

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 12:25

Ape ar ape tayom jemon aperen hopon ar hoponerakoakʼ bhạlại hoyokʼtako onate ape do mãyãm alope joma; inạ khan Probhu Isorakʼ mẽtʼãhã samaṅre ṭhikakʼ hoyokʼa.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Johan 8:29

Okoe ińe kol akadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Jeheskel 33:19

Mitʼṭen bạṛicʼ hoṛ jodi acʼakʼ bạṛicʼakʼ khon ruạṛkate dhorom ar bhageakʼkoe kạmi enḍekhan uni doe bańcaokʼa.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jeheskel 33:16

Uni okae kại akatʼ ona reakʼ jãhãnakʼge uni upạrte do baṅ disạ dohokʼtaea. Uni do dhorom ar bhageakʼkoe kạmiakatʼ iạte khạṭigeye bańcaokʼa.

Jeheskel 33:14

Iń do mitʼṭen bạṛicʼ hoṛiń metae, ‘am do khạṭigem gujukʼa,’ menkhan uni do kại khon ruạṛkate dhorom ar bhageakʼkoe kạmi,

Jeheskel 18:27

Menkhan mitʼṭen dusṭạmi hoṛ acʼakʼ dusṭạmi khon ruạṛkate hok ar dhorom reakʼe kạmi, uni do acʼakʼ jiwiye bańcaotaea.

Jeheskel 18:21

Menkhan mitʼṭen dusṭạmi hoṛ do acʼakʼ sanam kại khon ruạṛkate ińakʼ ạn-ạrikoe palonte hok ar dhorom reakʼe kạmi enḍekhan khạṭige uni doe bańcaokʼa, ar bae gujukʼa.

Jeheskel 18:5

“Jãhãe dhorom hoṛ hok ar ṭhikakʼe kạmi khan-

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

Dosar Biboron 12:28

Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Jeheskel 18:19

“Enhõ ape dope meneda, ‘apatakʼ dos iạte hopon do cedakʼ sạjại bae ńama?’ Uni hopon do hok ar dhorom reakʼe kạmi akada ar ińakʼ sanam niạmko joton salakʼe palon akada, onate khạṭige uni doe bańcaokʼa.

Jesaea 38:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Dosar Biboron 6:10

“Aperen hapṛamko Abraham, Isahak ar Jakob ṭhen aperen Probhu Isor do kiriạkate okaṭakʼ disạm emokʼ lạgitʼe gokʼakawatʼpe onḍe uni doe idipea. Onḍe do maraṅ ar napae napae nagrahako menakʼa okaṭakʼ ape bape benao akatʼ,