Dosar Biboron 6:16 - সান্তালী বাইবেল

¹⁶ Aperen Probhu Isor do alope biḍạuea, cetʼleka Mesarepe biḍạu aṭkarlede.

Dosar Biboron 6:16 Referans Kwoze

Exodus 17:7

Hoṛko noa Rephidimreko jhogṛalente ar noako roṛletʼte, “Probhu Isor do abo sãore menaea, se baṅa?” Ona iạte Mose do noa jaega reakʼ ńutum Masa (metakʼme “biḍạu”) ar Meriba (metakʼme “jhogṛae”) dohokeda.

Luk 4:12

Jisu do uniye metadea, “Sonot sostorre roṛ akana, ‘amren Probhu Isor do alom biḍạuea.’ ”

Mathae 4:7

Jisu do Soetane metadea, “Arhõ noa katha ol akana, amren Probhu Isor do alom biḍạuea.”

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Numeri 20:13

Ar ona dakʼ do Meribako metatʼa (metakʼme, “Jhogṛa”). Nonḍe Israelko do Probhu Isor tulucʼko jhogṛayena ar Probhu Isor do nonḍege onko talare apnarakʼ sonottetʼe sodorkeda.

Dosar Biboron 33:8

Liwi reaṅ uni doe menkeda, “Amakʼ Thumim do Lewi emaeme, ar amakʼ Urim do amren dhoromicʼ, one uni Masa ṭhenem bulạulede, one uni tulucʼ Meriba dakʼ ṭhenem reṭepeṭelen.

Sereńko 78:18

Onko do akoakʼ sana leka jomakʼ reakʼ khojkate mon monte Isorko biḍạukedea.