Dosar Biboron 6:13 - সান্তালী বাইবেল

¹³ “Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Dosar Biboron 6:13 Referans Kwoze

Luk 4:8

Jisu do uniye roṛ ruạṛadea, “Sonot sostorre ol menakʼa, ‘am do amren Isorem ḍobokʼaea, ar eken uni eskargem dewa sewawaea.’ ”

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Dosar Biboron 13:4

Ape do aperen Probhu Isorakʼ katha leka calakʼ hoyokʼtapea ar uni botorae hoyokʼtapea. Ape do uniyakʼ hukumkope manaoa arpe bataotaea; unipe sewawaea ar unirege jamaṛ akaepe tahena.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Josuạ 2:12

Iń do aben cetanreń pạtiạu akana, onate ńitokʼ aperen Probhu Isor ńutumte iń kiriạwạń ben jemon, aleakʼ gharońj cetanre hõ pạtiạran ben tahen. Ar nonkan mitʼṭecʼ cinhạ imạń ben jemoniń bujhạu daṛeakʼ,

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

Dosar Biboron 6:2

Onate ape ar aperen hoponko, goṛom gidrạko do Probhu Isorpe botoraete uniyakʼ noa hukum ar ạn-ạriko jiwetʼ jonompe manao idite ḍher din jiwetʼpe tahena.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Mathae 5:33

“Arhõpe ańjomakada, ạgil hapṛamko ṭhen roṛlena, ‘eṛe eṛe alom kiriạkʼa, bickom amakʼ sanam kiriạwakʼko Probhu Isor purạuaeme.’

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Dosar Biboron 5:11

‘Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

2 Rapajko 17:36

Menkhan Probhu Isor, okoe do daṛeanakʼ tite Misor disạm khone oḍok ạguletʼpe unige sewawaepe, ar unige ḍobokʼaepe ar uni ńutumte joto samaṅokʼakʼko samaṅpe.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Josuạ 24:14

Ona tayom Josuại menkeda, “Ńitokʼ do pạtiạr salakʼ khạṭi ontorte aperen Probhu Isor sewawaepe ar uni ḍobokʼaepe. Aperen hapṛamko phurạt gaḍa hanasa Misor disạmre okoe debotakoko sewawako kan tahẽkan onko do ńitokʼ sạṅgiń giḍikakope ar Probhu Isor sewawaepe.