Dosar Biboron 6:10 - সান্তালী বাইবেল

¹⁰ “Aperen hapṛamko Abraham, Isahak ar Jakob ṭhen aperen Probhu Isor do kiriạkate okaṭakʼ disạm emokʼ lạgitʼe gokʼakawatʼpe onḍe uni doe idipea. Onḍe do maraṅ ar napae napae nagrahako menakʼa okaṭakʼ ape bape benao akatʼ,

Dosar Biboron 6:10 Referans Kwoze

Josuạ 24:13

Ar okaṭakʼ jumire bape khaṭao akan ar okaṭakʼ ato ar nagraha bape benao akatʼ onako apeń ematʼpea. Ar ńitokʼ do onako nagraha ar atokorepe girobasokʼ kana; ona chaḍa okaṭakʼ darkha bape cas akatʼ ar okaṭakʼ jạitun daṛe bape rohoe akatʼ onako reakʼ jo hõ ńitokʼpe jomeda.’ ”

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Dosar Biboron 9:1

“E Israelko, ańjompe, okoe jạtrenko ape khon lekhareko ḍherge ar daṛe hõko daṛege ar onkoakʼ serma ṭuṅgạu usul pạcriko ar maraṅ maraṅ nagrahako ńitokʼ ape do onako dokhol lạgitʼ jordan gaḍape parom lạgidokʼkana.

Dosar Biboron 19:1

“Aperen Probhu Isor okaṭakʼ disạme emape lạgidokʼkan onḍe onko boṅgan hoṛ jạtrenko tinreye marao utạrkoa ar onkoakʼ ato, nagraha ar oṛakʼkorepe girobasokʼa,

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 6:18

Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Dosar Biboron 6:23

Menkhan onḍe khon uni doe oḍok ạguakatʼ bona jemon aboren hapṛamko ṭhen oka disạm emokʼ reakʼe gokʼletʼ ona disạme emabon.

Dosar Biboron 8:12

Ar sontor akae bape tahen, enḍekhan tinre jom ńũkatepe tirpitokʼa ar napae napae oṛakʼ duạr benaokatepe girobasokʼa,