Dosar Biboron 6:1 - সান্তালী বাইবেল

¹ “Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Dosar Biboron 6:1 Referans Kwoze

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 12:1

“Aperen hapṛamkoren Probhu Isor okaṭakʼ disạm dokhol lạgitʼe em akatʼpe onḍe dhạrti ṭuṅdạṅ bhor noako niạm ar hukumko joton salakʼpe manaoa.

Dosar Biboron 5:31

menkhan am do iń ṭhen nonḍe tahenme. Iń do hukumko ar ạn-ạrikoń emama okaṭakʼ do onko cetʼako hoyokʼtam, jemon ạidạri lạgitʼ okaṭakʼ disạmiń emako lạgidokʼkan onḍe onako manao idiy.’

Levitikus 27:34

Probhu Isor do sinại burure Mose hotete noako hukumge Israelko lạgitʼe emlena.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Dosar Biboron 4:14

Jordan gaḍa paromkate okaṭakʼ disạmpe ạidạri lạgidokʼkan ona disạmre senkate okako niạm ar ạn-ạriko manao hoyokʼtapea ona reakʼ sikhnạt emokʼ lạgitʼ unre Probhu Isor do ińe hukumạdiń tahẽkana.

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Numeri 36:13

Jerikho samna sạmni jordan gaḍa aṛe Moab reakʼ otetre Probhu Isor do Mose hotete Israelko noa hukum ar niạme ematʼko tahẽkana.

Exodus 21:1

Ona tayom Probhu Isor do Moseye metadea, “Ińakʼ noako niạm do Israelkom samaṅakoa.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Dosar Biboron 6:2

Onate ape ar aperen hoponko, goṛom gidrạko do Probhu Isorpe botoraete uniyakʼ noa hukum ar ạn-ạriko jiwetʼ jonompe manao idite ḍher din jiwetʼpe tahena.

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Exodus 23:13

“Iń okakoń hukumatʼpe ona reakʼ mitʼke mitʼ manaope. Ar jãhãe debotawakʼ ńutumko alope ńuma, ar apeakʼ mocare hõ alo ańjomokʼ ma.

Dosar Biboron 3:18

“Ona tayom iń do onkoń metatʼkoa, ‘Aperen Probhu Isor do noa jaegage dokhol lạgitʼe em akatʼpea. Menkhan ape talare okoekoakʼ daṛe menakʼ onko do lạṛhại reakʼ khanḍa bhanḍako horokʼkate Israel boehako laha lahate gaḍa paromokʼ hoyokʼtakoa.