Dosar Biboron 5:32 - সান্তালী বাইবেল

³² “Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Dosar Biboron 5:32 Referans Kwoze

Kạhtukko 4:27

Jojom ti secʼ se leṅga ti secʼ alom ghańjeṛokʼa; ar bạṛicʼ khon amakʼ jaṅga sahaṛ akae dohoytam.

Josuạ 23:6

“Onate ape do apeakʼ sanam daṛete Moseyakʼ ạn-ạriko reakʼ puthire oka ol menakʼ ona jotowakʼpe manaoa; ar ona khon oka secʼge alope ghańjeṛokʼa.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Dosar Biboron 17:20

Onate eṭakʼ Israel boehako khon bae usulokʼa ar ạn-ạri khon bae ghańjeṛokʼa. Onate uni ar uni bõsrenko Israelko cetanre ḍher dinko raj daṛeakʼa.

Dosar Biboron 28:14

Teheń okako hukumiń emapekan, onako modre jãhãṭakʼ khon etom se końe secʼ senkate eṭakʼ Isorko secʼ alope ghańjeṛokʼa ar alope sewawakoa.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Dosar Biboron 24:8

“Murhucʼ jom rog menakʼtae hoṛ khon sontorokʼpe ar Liwi naekeko okako hukumape onako joton salakʼ manaope. Iń okań hukum akawatʼko ape hõ sontor salakʼ onka leka calakʼpe.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 8:1

“Teheń okako hukum iń emapekan ona reakʼ mitʼke mitʼ manao reakʼ luturakʼpe, jemon jiwetʼpe tahen arpe saṅge idikʼ ar Probhu Isor aperen hapṛamko ṭhen okaṭakʼ disạm emape lạgitʼ kiriạkateye gokʼletʼ onḍe bolokate onape ạidạri daṛeakʼ.

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

2 Rapajko 21:8

Israelko do eken ińakʼ sanam hukumko joton salakʼko pańjae ar ińren guti Mose okaṭakʼ ạn-ạrikoe emakawatʼko ona lekako calakʼ enḍekhan iń do onkoren hapṛamko okaṭakʼ disạmiń emakatʼko ona disạm do bạgiyakʼ ar baṅ hoyokʼtakoa.”

Dosar Biboron 6:25

Ar aboren Probhu Isor samaṅre uniyakʼ hukumleka noa ạn-ạriko pańjae reakʼ monsubạ tahen tabon, enḍekhan onage abo lạgitʼ dhorom do hoyokʼa.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

2 Rapajko 17:37

Uni okaṭakʼ niạmko, ạn-ạriko, ar hukumko ape lạgitʼe ol akatʼ ona do joton salakʼ manaope. Ar deb debotako do alope sewawakoa.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Dosar Biboron 17:11

Onko do ạn-ạri reaṅ okako cetʼape ar okaṭakʼ rayko emokʼ ona lekagepe kạmiya. Ar okaṭakʼko metape ṭhik ona lekagepe onkaea, oka secʼge alope ghańjeṛa.

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

Sereńko 80:19

E sanam daṛeanicʼ Probhu Isor, am do lahate leka beretʼ ruạṛlem; ar amakʼ daya reakʼ marsal do ale cetanre paṛaokʼma, onate ale do bańcaole ńama.

Kạhtukko 3:2

onate am do ḍher dinem bahaokʼa ar amakʼ do ḍher bhạlại hoyokʼtama.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”