Dosar Biboron 5:29 - সান্তালী বাইবেল

²⁹ Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Dosar Biboron 5:29 Referans Kwoze

Jesaea 48:18

Ape do eken ińakʼ hukumpe ańjomletiń khan apeakʼ suluk do gaḍa leka ar dhorom do jalapuriko leka hoyokʼtapea.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Luk 19:42

Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Ephesiko lạgitʼ Pạul Apostolakʼ ciṭhi 6:3

jemon amakʼ bhage hoyokʼtam ar dhạrtire aema din jiwetʼem tahena.”

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Sereńko 106:3

Bhạgangeako onko do, okoe do hok reakʼko bicạretʼ ar jaoge bhage kạmiko kạmikan.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Rut reakʼ kạhini 3:1

Thoṛa din tayom Naomi do Rute metadea, “E bạhu, amakʼ bhạlại lạgitʼ mitʼṭecʼ bebosta hatao hoyokʼtińạ jemon gharońj hoyokʼ taben.

Dosar Biboron 22:7

Hopon dope idi daṛeakoa menkhan eṅgattetʼ do aṛakʼkae hoyokʼtapea. Nonkate ape do bhạlại hoyokʼtapea ar ḍher din jiwetʼpe tahena.

Dosar Biboron 19:13

Unre uni do alogepe dayawaea. Israelko tala khon bin dusạn hoṛkoakʼ mãyãm reakʼ dospe meṭao utạra. Ar onate bhạlại hoyokʼtapea.

Dosar Biboron 12:28

Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.

Dosar Biboron 12:25

Ape ar ape tayom jemon aperen hopon ar hoponerakoakʼ bhạlại hoyokʼtako onate ape do mãyãm alope joma; inạ khan Probhu Isorakʼ mẽtʼãhã samaṅre ṭhikakʼ hoyokʼa.

Dosar Biboron 6:18

Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Dosar Biboron 5:30

“‘Onko do tạmbute ruạṛ senokʼ baṛe metakom,

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Jirimiạ 42:6

Ale okoe ṭhenle koletʼme uni Probhu Isorakʼ kathare ale do tabe akaele tahena baṅ dole kusiyakʼ baṅ do baṅ enhõle ańjomtaea. Ar aleren Probhu Isorakʼ kathale bataotae khan ale do bhage hoyokʼtalea.”

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 4:10

Ar enhilokʼ reakʼ katha monre disạ dohokakʼpe oka hilokʼ Horeb burure Probhu Isor samaṅrepe hạjirlen. Enhilokʼ uni do ińe metadiń tahẽkana, ‘ińakʼ katha ańjom lạgitʼ hoṛko iń samaṅre jarwakom jemon onko do niạ dhạrtire jiwetʼ jonom ińgeko sewawạń ar onkoren hoponko hõ ińakʼ hukum reakʼko cetʼako.’

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Dosar Biboron 8:6

“Ape do aperen Probhu Isorakʼ hukumpe manaotaea, ar uniyakʼ hortepe taṛama ar unipe sewawaea.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”