Dosar Biboron 5:14 - সান্তালী বাইবেল

¹⁴ menkhan eae din hilokʼ do amren Probhu Isor ńutumte mitʼṭecʼ jirạukʼ din kana. Enhilokʼ do am ar amren hopon ar hoponerako, amren guti kạ̃ṛmĩko, amren ḍaṅgra, se gadha se eṭakʼ jãhãn janwarko se amakʼ ato se nagrahare girobasokʼ kan eṭakʼ jạtren hoṛko, okoe hõ cetʼge alope kạmiya. Onate amren guti ar kạ̃ṛmĩ hõ am leka jirạuko ńama.

Dosar Biboron 5:14 Referans Kwoze

Ibriko 4:4

Sonot sostorre mitʼ jaegare eae mãhã hilokʼ reaṅ nonka olakana, “Isor do eae mãhã hilokʼre cetʼge bae kạmileda.”

Genesis 2:2

Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Nehemiạ 13:21

Iń do onko sontor katʼkoteń metatʼkoa, “Ape do pạcri ṭhen cedakʼpe aṅga hạṭińokʼ kana? Arhõ jodi niạ kạmigepe kạmi enḍekhan ape upạrte bebostań hataoa.” Ar unkhon onko do jirạukʼ mãhãre ar bako hijukʼkan tahẽkana.

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Mark 2:27

Jisu do arhõe metatʼkoa, “Manwa lạgitʼge jirạukʼ mãhã do hoyakana, menkhan jirạukʼ mãhã lạgitʼ manwa do baṅa.

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Dosar Biboron 5:13

Hapta reakʼ turui dinem khaṭaokʼa ar amakʼ jotowakʼem kạmiya,

Nehemiạ 13:16

Jerusalemre girobasokʼ kan Turren hoṛko do hako ar eṭakʼ eṭakʼ jinisko ạgukate jirạukʼ mãhãre Jerusalemre Jihudạren hoṛ ṭhenko ạkhrińetʼ tahẽkana.