Dosar Biboron 5:1 - সান্তালী বাইবেল

¹ Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 5:1 Referans Kwoze

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Mathae 23:3

Onate jãhãnakʼgeko metape ona kạmipe ar jãhãnakʼgeko hukumape ona senakʼpe. Menkhan onkoakʼ kạmi leka do alope kạmiya, ente onko do mocate okako roṛ kạmite ona bako purạua.

Dosar Biboron 29:10

“Teheń ape do sanamkoge Probhu Isor samaṅre hecʼkatepe teṅgo akana- aperen sordarko ar mukhiyạko, aperen murubbiko ar kạmiyạko ar eṭakʼ sanam Israelko hõ nonḍe menakʼkoa.

Dosar Biboron 29:2

Mose do sanam Israelko hoho jarwakateye metatʼkoa, “Probhu Isor do Misor disạmren Pharao raj ar uniren sanam raj-kạmiyạrenko cetanre ar uniyakʼ goṭa disạm cetanre okae cekaletʼ ona do apeakʼ mẽtʼtegepe ńel akada.

Dosar Biboron 1:1

Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Exodus 18:20

Ona tayom do sanam niạm ar hukumko reaṅ ben husiạrkoa. Ona chaḍa cetʼleka calakʼ hoyokʼa ar cetʼkoko kạmiya ona hõ ben bujhạuakoa.

Dosar Biboron 4:49

Onakin modre jordan purub secʼ goṭa Araba ṭoṭha hõ tahẽkana. Noa do Pisga buru dhasna latar menakʼ doreão hạbicʼ sen akana.

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 12:1

“Aperen hapṛamkoren Probhu Isor okaṭakʼ disạm dokhol lạgitʼe em akatʼpe onḍe dhạrti ṭuṅdạṅ bhor noako niạm ar hukumko joton salakʼpe manaoa.

Dosar Biboron 17:19

Ona do acʼ ṭhengeye dohokakʼa ar jiwetʼ jonom onae paṛhaoa jemon Probhu Isore botoraete ạn-ạri reakʼ kathakoe manao idiy.

Dosar Biboron 28:15

“Menkhan aperen Probhu Isorakʼ katha bape ańjomtae ar teheńakʼ noako hukum ar niạmko joton salakʼ bape manao ar ganao, enḍekhan noako sarap do ape cetanrege paṛaokʼa ar ape sãorege tahena;

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.