Dosar Biboron 4:6 - সান্তালী বাইবেল

⁶ Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’

Dosar Biboron 4:6 Referans Kwoze

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

1 Rapajko 4:34

Dhạrtiren okoeko raj do Solomonakʼ ạkil reaṅko ańjomakatʼ tahẽkan onko do uniyakʼ ạkil reakʼ katha ańjom lạgitʼ akoren hoṛko koletʼko tahẽkana. Ar nonkate sanam jạtren hoṛ do uni ṭhenko hijukʼkan tahẽkana.

Jakob 3:13

Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

Daniel 4:9

Ińiń menkeda, “E gunidarkoren mukhiyạ Beltesasar, ińiń baḍaea amre nonkan sonotakʼ menakʼa one ona do noa dhạrti reakʼ baṅkan ar jãhãn danaṅakʼko hõ am ṭhen muskilakʼ do baṅkana. Ińakʼ noa kukmũ reakʼ bhed baṛe bhaṅgaoạńme.

Dosar Biboron 29:9

Ona iạte ape do noa bondobos reakʼ sanam hukumko joton salakʼ dohoype jemon sanamakʼ kạmire bhạlại hoyokʼtape.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Jeheskel 5:5

“Iń Probhu Isorgeń meneda, noa do Jerusalem kana. Iń do jạt jạtrenko talare onań dohoakada; ar ona beṛhaete do aema disạmko menakʼa.

Hosea 8:12

Ińakʼ ạn-ạri reakʼ ḍher kathage onko lạgitʼ iń olleda, menkhan onko do bidisiạ hoṛkoakʼ jãhãnakʼ jinis menteko hudisleda.

Sereńko 19:8

Probhu Isorakʼ sanam ạnko do sojhe horteye calaoeda, ar ontorre rạskại emokʼ kana. Probhu Isorakʼ hukum do niphuṭgea, ona do ontore cerṭha ocoyeda.

Kạhtukko 1:4

jemon lelha hoṛ do budanko hoyokʼ ar juạnko do bud ar ạkilko ńam,

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

Kạhtukko 14:34

Dhorom do jạtrenkoe maraṅkoa menkhan kại do jạtrenkoe bemanotkoa.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.