Dosar Biboron 4:5 - সান্তালী বাইবেল

⁵ “Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 4:5 Referans Kwoze

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Ibriko 3:5

Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Aposkạmi 20:27

ente Isor okae khojkan ona baḍae ocope do tishõ bạń pạc akana.

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń em akawatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

1 Korinthiko 11:28

Onate manwa do piṭhạ ar bạṭi reakʼ jom lahare apnarteye biḍạu aṭkarokʼma,

Exodus 18:20

Ona tayom do sanam niạm ar hukumko reaṅ ben husiạrkoa. Ona chaḍa cetʼleka calakʼ hoyokʼa ar cetʼkoko kạmiya ona hõ ben bujhạuakoa.

Levitikus 7:38

Probhu Isor do sinại hahaṅkarre Israelko oka hilokʼ acʼ ńutumte samaṅokʼakʼ jinisko ạguiye metatʼko tahẽkan enhilokʼge uni do sinại burure Mose noako niạme emade tahẽkana.

Levitikus 26:46

Noa do onako ạn-ạri ar hukum ar niạmko kana okaṭakʼ do sinại burure Mose hotete Probhu Isor do acʼakʼ bondobos menkate Israelko lạgitʼe bandhaoletʼ tahẽkan.

Levitikus 27:34

Probhu Isor do sinại burure Mose hotete noako hukumge Israelko lạgitʼe emlena.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 4:4

Menkhan ape okoe do aperen Probhu Isorpe sapʼ dohoakade ape do sanamkoge ńitokʼ hõ jiwetʼge menakʼpea.

Sereńko 71:17

E Isor, juạn okte khon amge sikhnạtem em akawạdińạ; ar teheń hõ amakʼ hahaṛa kạmi reakʼ kathań porcareda.

Levitikus 19:19

“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Dosar Biboron 7:11

Onate teheń ape okako hukum ar niạmko ar bicạrkoń emapekan ona do joton salakʼ manaope.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Jirimiạ 11:6

Probhu Isor do Jihudạ reakʼ nagrahakore ar Jerusalem reakʼ kulhikore niạ lại sodor lạgitʼe metadińa, “Niạ bondobos reakʼ kathako ańjomkate ona manaope.

Jeheskel 20:11

Onko do ińakʼ niạmkoń ematʼkoa ar ińakʼ ạn-ạrikoń baḍae ocoketʼkoa; ar okoe onae manaoa uni do ona hotetege jione ńama.