Dosar Biboron 4:40 - সান্তালী বাইবেল

⁴⁰ Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 4:40 Referans Kwoze

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Ephesiko lạgitʼ Pạul Apostolakʼ ciṭhi 6:3

jemon amakʼ bhage hoyokʼtam ar dhạrtire aema din jiwetʼem tahena.”

Dosar Biboron 12:28

Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.

Dosar Biboron 12:25

Ape ar ape tayom jemon aperen hopon ar hoponerakoakʼ bhạlại hoyokʼtako onate ape do mãyãm alope joma; inạ khan Probhu Isorakʼ mẽtʼãhã samaṅre ṭhikakʼ hoyokʼa.

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

Levitikus 22:31

Ape do ińakʼ hukumpe manaoa ar ona lekape calakʼa. Ar ińkangeạń Probhu Isor do.

Dosar Biboron 22:7

Hopon dope idi daṛeakoa menkhan eṅgattetʼ do aṛakʼkae hoyokʼtapea. Nonkate ape do bhạlại hoyokʼtapea ar ḍher din jiwetʼpe tahena.

Dosar Biboron 6:18

Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Dosar Biboron 4:6

Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Johan 14:15

“Ińpe dulạṛediń khan ińakʼ sanam hukumkope dohoya.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Exodus 23:26

Apeakʼ disạmre unre okoeyakʼ kukhiren gidrạ hõ bako nosṭokʼa ar okoe hõ bạńjhi do bako tahena. Iń do purạteń bahaopea.

Numeri 10:29

Inạ tayom Mose do acʼren hońhartetʼ Reuelren hopon Hobabe metadea, “Probhu Isor okaṭakʼ disạm emale lạgitʼe gokʼ akawatʼle ale do ona disạm secʼle mohnḍakʼkana. Onate abenhõ ale sãote dela hijukʼ ben. Ale do abenle bhạlại bena, ente Probhu Isor do Israelrenkoe bhạlạikoa menteye gokʼakada.”

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Sosolhayic̕ 8:12

Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Jirimiạ 7:7

enḍekhan niạ disạmre aperen hapṛamko cetʼleka piṛhike piṛhi girobasokʼ lạgitʼ iń em akatʼko ape hõ onkage nonḍeń girobas ocopea.

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 5:10

Menkhan okoe ińko dulạṛiń ar ińakʼ hukum lekako calakʼ onko do hajar piṛhi hạbicʼ iń dayawakoa.

Dosar Biboron 25:15

Aperen Probhu Isor okaṭakʼ disạme emape lạgidokʼkan onḍe jemon ḍher dinpe bahaokʼ onate ṭhik lekan sosoṅakʼ baṭkhara ar tulạpe dohoya.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jirimiạ 35:18

Ona tayom Jirimiạ do Rekabiạkoe metatʼkoa, Israelren phạdkoren Probhu Isore meneda, “Ape do aleren hapṛam Jonadabakʼ hukumpe pańjayetʼkante ona lekape calakʼ kana ar uniyakʼ hukum lekagepe kạmikana.