Dosar Biboron 4:36 - সান্তালী বাইবেল

³⁶ Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Dosar Biboron 4:36 Referans Kwoze

Exodus 19:19

Ar sakwa reakʼ saḍe do arhõ murukte saḍekʼ ehopʼena. Unre Mose do Isor sãote kathae roṛkeda ar Isor hõ ãṭ aṛaṅteye roṛ ruạṛadea.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Nehemiạ 9:13

“Am do Sinại buru cetanrem pheḍ hecʼlena ar serma khon onko sãote katham roṛleda. Ona jokhecʼ am do dhorom reakʼ hukum, ṭhikakʼ ạn-ạriko, bhage niạmko ar hukumkom ematʼko tahẽkana.

Dosar Biboron 4:33

se ape leka eṭakʼ jạtren hoṛko seṅgel tala khon Isorakʼ roṛ ańjomkate jiwetʼ menakʼkoa se baṅa.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Ibriko 12:18

Okaṭakʼ jolokʼkan buru joṭetʼ daṛekokʼ ona lekan buru ṭhen do bape hecʼakana. Ape do kaṛaṅ kucạṅ ńut ar birbão se jãhãn sakwa reakʼ saḍe ar katha reakʼ aṛaṅ ṭhen hõ bape hecʼakana.

Exodus 24:16

Ar Sinại burure Probhu Isorakʼ ṭhonok sodorena. Turui din hạbicʼ buru do rimilte danaṅge tahẽyena. Ona tayom eae din hilokʼre ona rimil tala khon Probhu Isor do Moseye hohoadea.

Dosar Biboron 8:5

Ar niạ katha apeakʼ ontorre baḍae dohokakʼpe, baba cetʼleka hopone ḍanṭaoe onkage aperen Probhu Isor hõ apeye ḍanṭaopea.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Dosar Biboron 4:12

Unre seṅgel tala khon Probhu Isor do ape ṭhen kathae roṛleda. Ar ape do uniyakʼ kathape ańjomkeda menkhan uniyakʼ mẽtʼãhã do bape ńelńamleda, eken uniyakʼ aṛaṅ motogepe ańjomleda.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,