Dosar Biboron 4:34 - সান্তালী বাইবেল

³⁴ Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 4:34 Referans Kwoze

Dosar Biboron 26:8

Onate acʼakʼ keṭecʼ ti ar tiạrakatʼ sopote ar maraṅ botoranakʼ kạmite, cinhạkote ar hahaṛa kạmikoe udukʼatʼbonte Misor disạm khone oḍok ạguketʼbona.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Jirimiạ 32:21

Am do cinhạ ar hahaṛawakʼ kạmikom udukʼ akada ar daṛe ar ektiạri perecʼ ti tiạrkate botoranakʼkote amren hoṛ Israelko onḍe khonem oḍok ạguletʼkoa.

Dosar Biboron 6:21

Unre onkope metakoa, ‘Misor disạmre abo do Pharaoren golam bon tahẽkana, menkhan Probhu Isor do acʼakʼ daṛeanakʼ tite onḍe khone oḍok ạguakatʼ bona.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Dosar Biboron 34:12

Ar sanam Israelkoakʼ mẽtʼãhã samaṅre Mose okaṭakʼ maraṅ daṛeye udukʼletʼ se okako botoranakʼ kạmikoe kạmiletʼ onka do celege tishõ bako kạmi daṛeakawada.

Exodus 3:10

Onate am do ńitge calakʼme. Iń do Pharao ṭheniń koletʼmea. Ar senkate am do ińren hoṛko, metakʼme Israelko Misor khonem oḍok ạgukoa.”

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Exodus 10:7

Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

Dosar Biboron 29:3

Onkoakʼ ona maraṅ biḍạu ar Probhu Isore udukʼletʼ cinhạko ar maraṅ maraṅ hahaṛa kạmiko hõpe ńelleda.

Exodus 7:3

Menkhan iń do Pharaoakʼ moniń keṭecʼ ocoytaea jemon Misor disạmre aema cinhạ ar hahaṛa kạmikoń kạmi daṛeakʼ. Uni do abenakʼ katha bae ańjoma. Onate iń do Misor disạm cetanre ińakʼ tiyiń tultińạ ar ạḍi bạṛicʼ sạjạyiń emokʼte ińren phạdko, metakʼme ińren hoṛ Israelko ona disạm khoniń oḍok ạgukoa.

Sereńko 78:12

Israelren hapṛamkoakʼ mẽtʼãhã samaṅre uni do hahaṛa kạmiye kạmileda; Misor disạmre ar Soan ṭoṭhare uni do onakoe kạmileda.

Exodus 1:9

Uni do acʼren porjakoe metatʼkoa, “Ńelpe, Israelko do lekhate ar daṛete abo khonko ḍher idikʼkana.

Exodus 14:30

Probhu Isor do enhilokʼ nonkage misrikoakʼ ti khon Israelkoe bańcaoketʼkoa. Ar Israelko do misrikoakʼ mạ̃ṛĩko jalapuri aṛekoreko ńelkeda.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’

Dosar Biboron 11:2

Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Sereńko 24:8

Nui ṭhonokren raj doe okoe kana? Uni doe Probhu Isor kana, uni doe birbão are daṛeangea; Uni Probhu Isorge, okoe do lạṛhạireye birbãoicʼkan.

Sereńko 136:12

Uni do kuṭhin ar daṛeanakʼ tite onkoe oḍok ạguletʼkoa; uniyakʼ dulạṛ do jaejuggetaea.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Exodus 10:21

Inạ tayom Probhu Isor do Moseye metadea, “Serma secʼ amakʼ ti tiyạrtam. Onate tite ṭunḍuyetʼ leka disạm do ńut cabakʼa.”

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.