Dosar Biboron 4:31 - সান্তালী বাইবেল

³¹ Aperen Probhu Isor doe dayakʼicʼ Isor kana; uni do bae bạgiyapea se bae maraopea, menkhan kiriạkate aperen hapṛamko lạgitʼ oka bondobose dohoakatʼ ona do alope hiṛińa.

Dosar Biboron 4:31 Referans Kwoze

Sereńko 116:5

Probhu Isor do daya are dhoromicʼkana; aboren Isor do mãyãteye perecʼgea.

Dosar Biboron 31:8

Probhu Isor do acʼge am laha lahateye senokʼa ar am sãoteye tahena. Uni do tishõ bae bạgi giḍimea. Alom botorokʼa, ar alom torasokʼa.”

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Nehemiạ 9:31

Menkhan amakʼ asambheṛ daya gunạkʼte onko do bam maraoletʼkoa se bam bạgi giḍiletʼkoa ente am do daya ar mãyãte perecʼ Isor kanam.

2 Bõsbudạ 30:9

Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”

Levitikus 26:42

enḍekhan iń do Isahak, Jakob ar Abraham sãote ińakʼ bondobos reakʼ katha ar onkoakʼ disạm reakʼ kathań disạya.

Dosar Biboron 31:6

Daṛeanko hoyokʼpe ar monre dil dohoype. Onko ńelte alope botorokʼa se alope thar tharaokʼa, ente Probhu Isorge ape sãoteye tahena. Uni do tishõ bae bạgiyapea.”

Luk 1:72

Uni do aboren hapṛamko mãyãwako lạgitʼ acʼakʼ sonot bondobos, metakʼme acʼakʼ gokʼakʼ purạu lạgitʼ, aboe rukhiyạ akatʼ bona.

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.

Sereńko 111:9

Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.

Sereńko 111:5

Acʼ botoraekanko do jomakʼe jogaoako kana; ar acʼe dohoakatʼ bondobos do tisge bae hiṛińa.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Levitikus 26:45

Onko lạgitʼge onkoren hapṛamko sãote ińakʼ bondobos reakʼ kathań disạya. Ente onkoren hapṛamkoren Isoriń hoyokʼ iạte eṭakʼ jạtrenko talate Misor disạm khoniń oḍok ạguakatʼkoa. Ar iń kangeạń Probhu Isor do.”

Nehemiạ 1:5

Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda.

Sereńko 105:8

Okaṭakʼ katha reakʼ hukum uni do hajar hajar bõsrenko lạgitʼe emlen, uniyakʼ ona bondobos reakʼ katha uni do jaejug hạbicʼe disạ dohoya.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Levitikus 26:44

Enhõ bạirikoakʼ disạmre tahen jokhecʼ bạń dea giḍi utạrkoa se bạń hirkhạ sạṅgiń utạrkoa jemon aloko marao utạrokʼ ar onko sãote ińakʼ bondobos hõ alo cabakʼ. Iń kangeạń onkoren Probhu Isor do.

Sereńko 103:8

Probhu Isor do daya are mãyãwạnicʼ kana; uni do usạrate bae edre hodokʼa, uniyakʼ daya do asambheṛgetaea.

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Jirimiạ 30:11

Am são sãotege minạńa ar iń do amgeń bańcaomea. Okoe jạtrenko talare amiń chirchạturletʼme onko doń marao utạrkoa, menkhan apeko do purạte do baṅa. Menkhan begor sạjạite hõ bạń aṛakʼpea, iń do dhoromte bicạrkateń ḍanṭaopea.”

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”