Dosar Biboron 4:28 - সান্তালী বাইবেল

²⁸ Onḍe ape do manwa tite kaṭren ar dhiriren benao muṭhạnkope sewawakoa okoe do bako ńeńel, bako ańjom, bako jom daṛeakʼ ar sãhetʼ hõ bako sãhetʼ daṛeakʼ.

Dosar Biboron 4:28 Referans Kwoze

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Jirimiạ 16:13

Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Jirimiạ 10:3

Niạ reakʼ karon onkoakʼ dhorom cạl-colon do ạuṛiyakʼgetakoa. Onko do bir khon dareko makʼ ạguiyeda ar kạrigol do apnarakʼ tite baṭalite onare muṭhạnko benaoakʼkana.

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

Dosar Biboron 29:17

Unire ape do onko talare kaṭte, dhirite, sonate ar rupạteko benao akatʼko onkoren hirkhạwan murhutʼko ar boṅgakope ńelletʼkoa.

Jesaea 26:14

Gocʼ akanko do ar bako jiwedokʼa; onkoren jiu do ar bako beretʼa. Onko do sạjạikatem meṭao giḍi akatʼako; onkoakʼ disạ hõm marao akatʼtakoa.

Jesaea 44:12

Kamar do mitʼṭecʼ ṭeṅgocʼe benaoeda ar koela seṅgelreye dhipạueda. Uni do hạtuṛte muṭhạne emakʼkana, ar ti reakʼ daṛete onae benaoeda. Onate uni do reṅgejea ar daṛe komaokʼtaea; ar dakʼ begor ńũteye jhin jhinạukʼa.

2 Rapajko 17:40

Menkhan onko jạtrenko do ona katha bako luturatʼte akoakʼ hewa leka kạmi iditegeko tahẽyena.

Jesaea 44:11

Goṛhon muṭhạnre okoe jamaṛ akan menakʼko onko doko lajao ocokʼa; onkoren kạrigolko do manwa chaḍa ar cele hõko baṅkana. Onko sanamkoge mitʼ sãoteko teṅgokʼma; onko doko torasokʼa ar mitʼdomteko lajao ocokʼa.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”