Dosar Biboron 4:27 - সান্তালী বাইবেল

²⁷ Probhu Isor do ạḍi lekan jạtrenko talareye chirchạtur ocopea ar okoeko talareye laga ńirpe onko talare ape do thoṛa hoṛge jiwetʼpe tahena.

Dosar Biboron 4:27 Referans Kwoze

Levitikus 26:33

Ar eṭakʼ jạtrenko talareń chirchạturpea ar tarwaṛeteń khudạu baṛapea. Apeakʼ disạm reakʼ sanam jumiko, atoko ar nagrahako do jarkharokʼtapea.

Jeheskel 32:26

“Mesek ar Tebal do onḍe menakʼkinạ; unkin beṛhaete do unkinren sanam hoṛkoakʼ topa menakʼa. Noko do bin khatna akan hoṛkoakʼ tarwaṛeteko gocʼ ocoakana. Jiwetʼkoakʼ disạmre onko do torasko pasnaoleda.

Jeheskel 12:15

“Iń do tinre jạt jạtrenko ar disạm talareń chirchạturkoa unre onko doko baḍae daṛeakʼa ińkangeạń Probhu do Isor.

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Dosar Biboron 32:26

Iń doń menleda, onko doń kaṭra kuṭrạ cabakoa, manwako tala khon onkoakʼ disạ doń meṭao utạra.

Sereńko 44:11

Samaṅe lạgitʼ tiyạkʼ idiye bhiḍi leka onkoakʼ tire am dom aṛakʼ akatʼlea ar eṭakʼ eṭakʼ jạtrenko talarem chirchạtur akatʼlea.

Sereńko 106:27

ar onkoren bõsko do eṭakʼ eṭakʼ jạtrenko talareye gur ocokoa, ar eṭakʼ eṭakʼ disạmteye chirchạturkoa.

Jesaea 17:6

Enhõ thoṛa hulạkʼ do ńurakan tahena. Jạitun dare joko rukui tayom cetʼleka cetan ḍạrkore mitʼ bar jo tahen, onkage onkoakʼ dosa hõ hoyokʼtakoa.” Israelkoren Probhu Isorge niạ katha doe meneda.

Jirimiạ 16:13

Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jeheskel 20:23

Ona chaḍa hahaṅkarre iń do onko ṭheniń kiriạlena, aema jạtrenko ar disạmko talare onkoń chirchạturkoa,

Jeheskel 22:15

Iń do amren hoṛko eṭakʼ eṭakʼ jạtrenko talare ar disạmko talareń chirchạturkoa ar amakʼ besaphawakʼ iń sạṅgiń giḍikakʼa.

Daniel 9:7

“E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

Sereńko 44:12

Am do begor damtege amren hoṛkom ạkhriń akatʼkoa; ar noa iạte cetʼ amakʼ jãhãnakʼ lab hoyakantama?

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.