Dosar Biboron 4:26 - সান্তালী বাইবেল

²⁶ enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Dosar Biboron 4:26 Referans Kwoze

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Mikạ 6:2

E buru-ḍuṅgriko, ape do Probhu Isorakʼ aroj ańjompe; E dhạrti reakʼ jaejug rehetʼko apehõ ańjompe. Noa reakʼ karon do uniren hoṛko upạrte Probhu Isorakʼ mementeakʼ menakʼtaea; uni do Israelko upạrte mitʼṭecʼe mambla akada.

Jirimiạ 22:29

E disạm, E disạm, E disạm, am do Probhu Isorakʼ katha ańjome.

Jirimiạ 2:12

E sermako, niạ ńelte ṭhak utạrokʼpe ar botorte thar tharaokʼpe,

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Levitikus 18:28

Ape hõ disạmpe besaphae enḍekhan laha jạtrenko leka disạm hõ apeye ulạ giḍikapea.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Jeheskel 36:4

Onate E Israel reakʼ buruko, ape do ińakʼ katha ańjompe. E maraṅ ar huḍiń buruko, khandṛaṅko, buru-nalako, ujạṛ utạrakʼ dhaṅ dhaserakʼko ar ape beṛhaeten eṭakʼ eṭakʼ jạtrenko okoe do luluṭko ar landa dhudhutʼkope hoyocoakatʼko ona bạgi oṭowakʼ nagrahako,

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Dosar Biboron 31:28

Ape do ape gusṭiren murubbiko ar sanam kạmiyạko iń samaṅre jarwakope. Iń do noa metakoń khojkana ar serma ar ot hõ onko upạrte goha mente doho hõń khojkana.

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Jeheskel 33:28

Israel disạm do mitʼṭecʼ ujạṛ utạrakʼ ṭhạ̃igeń hoeocoya; uniyakʼ daṛe reakʼ bạḍạitetʼ do caba utạrokʼtaea ar uniyakʼ buru-ḍuṅgriko do ujạṛ akange tahena, ar onkate do celege bako sen paromokʼa.

Mikạ 1:2

E jạt jạtrenko, ape sanamkoge ińakʼ luturakʼtińpe; E dhạrti ar onare menakʼ sanamakʼko ańjompe! Probhu Isor do acʼakʼ sonot oṛakʼ khon ape upạrte gohae ema.

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.

Dosar Biboron 8:20

Probhu Isor do ape samaṅre jạtrenkoe marao giḍi akatʼko leka Probhu Isorakʼ bebatao iạte ape hõpe marao utạrokʼa.

Dosar Biboron 11:17

Onate Probhu Isor do ape cetanre edrete pit caṛhaokʼtaea ar serma reakʼ duạrkoe bond ocoya, onate dakʼ hõ bae kola ar jumire phosol hõ baṅ hoyokʼa. Ar okaṭakʼ mońj disạm Probhu Isorre emape lạgidokʼkan onḍe thoṛa dintegepe marao utạrokʼa.

Dosar Biboron 28:20

“Bạṛicʼakʼko kạmi iạte Probhu Isor do apeakʼ sanam kạmireye sarap apea, uni do ḍamaḍol ar nisṛạuge apereye kola, ar onatepe heṛ idikʼa ar thoṛa okte khangepe marao utạrokʼa.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Dosar Biboron 28:45

“Noako sarap do ape cetanrege paṛaokʼa. Ape do aperen Isor Probhu Isorakʼ bape bataoetʼtae iạte ar uni okako hukum ar niạme emakawatʼpe ona bape senakʼkante noako sarap doe khudạu baṛapea are sapʼ tiyokʼpea ar sesre ape dope marao utạrokʼa.

Dosar Biboron 28:61

Ona chaḍa Probhu Isor do nonkan rog bighin ar dukreye paṛao ocopea one ona reakʼ katha do ạn-ạri puthire baṅ olakan, ar sesrepe marao utạrokʼa.

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

Jirimiạ 16:13

Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,