Dosar Biboron 4:19 - সান্তালী বাইবেল

¹⁹ Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Dosar Biboron 4:19 Referans Kwoze

Romiko lạgitʼ Pạul Apostolakʼ ciṭhi 1:25

Isorakʼ sạriyakʼtetʼ bạgikate eṛeakʼko ataṅ akawana. Sisirjạuicʼ bạgikate uniyakʼ sirjạuakʼko sewawakʼ kana, menkhan sanam mạhima do jaejug hạbicʼ uni sisirjạuicʼakʼ kangea. Amen.

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Genesis 2:1

Isor do ot ar sermare menakʼ sanamakʼe benao sạtkeda.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Jirimiạ 33:25

Menkhan iń Probhu Isorgeń meneda, siń ar ńindạ lạgitʼ ińakʼ bondobos ar serma ar pirthimi lạgitʼ ạriko bạń bandhao akatʼ khan,

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jirimiạ 19:13

Jerusalem reakʼ oṛakʼ-duạr ar Jihudạ reakʼ rapajkoakʼ oṛakʼ-duạr, metakʼme okako oṛakʼ-duạr reakʼ chat cetanre siń cando, ńindạ cando ar ipilko ńutumte dhupko jeretʼetʼ tahẽkan ar debotako ńutumte coḍorakʼ samaṅokʼakʼko samaṅetʼ tahẽkan onako oṛakʼ-duạr do Tophet lekań bhonḍ ocoya.”

2 Rapajko 23:11

Jihudạren rapajko oka rãt gạḍiko ar sadomko siń-cando ńutumte samaṅokʼ lạgitʼko emlen Josuạ do onko sadomkoe sạṅgiń giḍikatʼkoa ar rãt gạḍikoe jeretʼ giḍikada. Noko sadom do Probhu Isorakʼ oṛakʼte bolokʼ hor aṛere, tala racare, Nathan-melek ńutuman mitʼṭen gutiyakʼ kandha aṛereko dohoyetʼko tahẽkana.

Dosar Biboron 4:18

baṅ do lacʼte taṛametʼkan jiwiyankoakʼge, baṅ do dakʼren jãhãn hakokoakʼge onako cetʼge alope sewawakʼa.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Jeheskel 18:6

ar buru cetan reakʼ than boṭkocʼkore bae jom-ńũi khan, se Israelkoren jãhãn boṅga muṭhạnko bae ḍobokʼako khan, ar aḍepaseren hoṛren oṛakʼ hoṛ bae bạṛicʼede khan, se candoteakʼ hoyokʼkantae maejiu sãote bae giticʼmidokʼ khan,

Genesis 1:14

Ona tayom Isore menkeda, “Sermare marsalakʼko hoyokʼma, ar onako do ńindạ khon sińe begarma. Onako do eṭakʼ eṭakʼ dinko, candoko ar bochorko reakʼ cinhạko tahenma.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

Sereńko 19:3

Onate jãhãn saḍege bạnukʼa ar jãhãn roroṛteakʼ hõ bạnukʼanaṅ. Onako reakʼ aṛaṅ hõ luturte baṅ ańjomokʼ kana,