Dosar Biboron 4:16 - সান্তালী বাইবেল

¹⁶ jemon bạṛicʼ horte senkate jãhãn murhutʼko alope benaokoa se jãhãn muṭhạn hõ alope benaojoṅa- baṅ do herelakʼge cetʼ baṅ do maejiuakʼge cetʼ,

Dosar Biboron 4:16 Referans Kwoze

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.

Dosar Biboron 5:8

‘Sekʼwae lạgitʼ jãhãn muṭhạnko alom benaojoṅa, baṅ do coṭ sermarenko reakʼ baṅ do otrenko reakʼ baṅ do ot latar dakʼrenko reakʼ.

Dosar Biboron 4:23

Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Johan 4:24

Isor doe Jiu kana; ar okoe uniko sewawaekan, onko do Jiu ar sạriyakʼte sewawae lek takoa.”

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Dosar Biboron 4:25

“Ape ar aperen bõsko ona disạmre ḍher dinpe girobasokʼ tayom tinre bạṛicʼ horte senkate sewawako lạgitʼ muṭhạnkope benaojoṅa ar aperen Probhu Isorakʼ mẽtʼre oka bạṛicʼakʼkan onape onkaete unipe khĩs ocoye,

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Levitikus 26:1

“Jãhãn debotakoakʼ muṭhạnge alope benao joṅa. Ape lạgitʼ kaṭren jãhãn muṭhạn se jãhãn pujạwakʼ dhirire jãhãn muṭhạn alope benaojoṅa. Ar pujạwako lạgitʼ dhiriren benao jãhãn muṭhạn hõ disạmre alope dohokoa. Iń kangeạń Probhu aperen Isor do.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Dosar Biboron 9:12

Ona tayom uni doe metadińa, ‘ar alom biloma ńitge latarte pheḍ calakʼme, ente okoeko hoṛ Misor disạm khonem oḍok ạguakatʼko onko do bạṛicʼ horteko mohnḍa akana. Oka horte calakʼ lạgitʼ iń hukumatʼko tahẽkan ar inạkʼtege onko do eṭakʼ secʼko ghańjeṛ akana ar sewae lạgitʼ dulakʼ muṭhạnko benao akawana.’

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Dosar Biboron 16:22

se jãhãṭakʼ dhiri khunṭi hõ alope bitʼjoṅa, ente aperen Probhu Isor ṭhen noako do hirkhạwakʼ kana.

Jesaea 44:13

Chutạr mistri do sutạme ticʼeda ar pensilteye ãk ạcureda; ar hoṛ muṭhạn leka onae muṭhạneda. Onate uni do mitʼṭecʼ mońj manwa rupe hoeocoyeda jemon ona do oṛakʼre dohokʼ.

Jeheskel 8:10

Onate iń do bhitrite bolokateń beṅgetʼ ạcurkeda ar bhit reakʼ sanam ṭhạ̃ire leńokʼkan jiwiyanko ar besapha janwarko ar Israelren sanam boṅga muṭhạnko ol caṛhao akan iń ńelkeda.