Dosar Biboron 4:12 - সান্তালী বাইবেল

¹² Unre seṅgel tala khon Probhu Isor do ape ṭhen kathae roṛleda. Ar ape do uniyakʼ kathape ańjomkeda menkhan uniyakʼ mẽtʼãhã do bape ńelńamleda, eken uniyakʼ aṛaṅ motogepe ańjomleda.

Dosar Biboron 4:12 Referans Kwoze

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Dosar Biboron 5:4

Probhu Isor do ona buru cetanre seṅgel tala khon abo samaṅre kathae roṛleda.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Dosar Biboron 4:36

Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Dosar Biboron 4:33

se ape leka eṭakʼ jạtren hoṛko seṅgel tala khon Isorakʼ roṛ ańjomkate jiwetʼ menakʼkoa se baṅa.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Mathae 3:3

Nui Johan reaṅge Jesaea nạbi doe roṛletʼa; enkathae, “Hahaṅkarre mitʼṭen hohokạnicʼ reakʼ aṛaṅ, ‘Probhu Isorakʼ hor tearkataepe uniyakʼ suṛucʼ horko sojhe kataepe.’ ”

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Jesaea 40:6

Mitʼ hoṛakʼ aṛaṅe meneda, “Hohoeme” Ińiń menkeda, ‘Cetʼ menteń hohoea?” “Manwako do ghãs leka kanako, onkoakʼ ṭhonoktetʼ do ṭạnḍi reakʼ bahako lekage.

Jesaea 40:3

Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Exodus 20:22

Probhu Isor do Moseye metadea, “Am do Israelko noa katham lạiyakoa, ‘iń Probhu Isor do serma khon ape sãote okań roṛketʼ ona do apnarakʼ mẽtʼtegepe ńelkeda.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Ibriko 12:19

Okoe ona kathako ańjomletʼ tahẽkan onko do nehõrkateko menleda jemon onko ṭhen ar cetʼge alo roṛogokʼ,

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Dosar Biboron 4:11

Unre ape do ona buru latarre senkatepe teṅgolena; ar ńutte esetʼ akan buru ar dhundte perecʼ rimil do serma hạbicʼ jolokʼkan tahẽkana.

Dosar Biboron 4:13

Uni do ape ṭhen acʼakʼ bondobos, metakʼme uniyakʼ gel hukume sodorleda. Uni do ona gel hukum manao idi reakʼe metatʼpe tahẽkana ar dhiri reakʼ barea paṭareye olletʼ tahẽkana.

Dosar Biboron 9:10

Probhu Isor do acʼakʼ nij tite olakʼ nonkan barea dhiri paṭa tinreye emadiń tahẽkana, unre ape sanamkoge Probhu Isor samaṅrepe jarwa akan tahẽkana ar enhilokʼ uni do seṅgel tala khon okako hukum ape ṭhen burureye sodorketʼ onage onakin dhiri paṭare ol tahẽkana.

Dosar Biboron 10:4

Probhu Isor do pạhilakʼ dhiri paṭakinre okae olletʼ tahẽkan niạ banar cetanrehõ onage olkate ińe emadińạ. Ona kathako do hoyokʼ kana uniyakʼ gel hukum okaṭakʼ do burure mitʼ ṭhenpe jarwalenre seṅgel tala khone sodorletʼ.