Dosar Biboron 4:10 - সান্তালী বাইবেল

¹⁰ Ar enhilokʼ reakʼ katha monre disạ dohokakʼpe oka hilokʼ Horeb burure Probhu Isor samaṅrepe hạjirlen. Enhilokʼ uni do ińe metadiń tahẽkana, ‘ińakʼ katha ańjom lạgitʼ hoṛko iń samaṅre jarwakom jemon onko do niạ dhạrtire jiwetʼ jonom ińgeko sewawạń ar onkoren hoponko hõ ińakʼ hukum reakʼko cetʼako.’

Dosar Biboron 4:10 Referans Kwoze

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Dosar Biboron 17:19

Ona do acʼ ṭhengeye dohokakʼa ar jiwetʼ jonom onae paṛhaoa jemon Probhu Isore botoraete ạn-ạri reakʼ kathakoe manao idiy.

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

1 Samuel 12:24

Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Exodus 19:1

Misor disạm khon oḍok hecʼen tayom tesar cando Israelko do Sinại hahaṅkarreko seṭerena.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 11:19

Ar aperen hoponko onakope cetʼakoa. Oṛakʼre duṛupʼkokʼ oktere, calakʼ oktere, gitijokʼ oktere ar beredokʼ oktere noako reaṅpe galmaraoakoa.

Dosar Biboron 12:1

“Aperen hapṛamkoren Probhu Isor okaṭakʼ disạm dokhol lạgitʼe em akatʼpe onḍe dhạrti ṭuṅdạṅ bhor noako niạm ar hukumko joton salakʼpe manaoa.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Dosar Biboron 6:2

Onate ape ar aperen hoponko, goṛom gidrạko do Probhu Isorpe botoraete uniyakʼ noa hukum ar ạn-ạriko jiwetʼ jonompe manao idite ḍher din jiwetʼpe tahena.

Dosar Biboron 6:7

Ar aperen hoponko hõ ghane ghạṛicʼ onako cetʼakope. Oṛakʼrepe duṛupʼkokʼre, horte calakʼre, gitijokʼre ar aṭetʼ khon beredokʼre ape do niạkope cetʼakoa.

Sereńko 145:4

Mitʼ piṛhiren do eṭakʼ piṛhiren hoṛko ṭhen amakʼ kạmi reakʼko sarhao sereńa; onko do amakʼ daṛeanakʼ kạmi reakʼ kathako lại jạhira.

Jesaea 38:19

Eken jiwetʼkoge, hẽ jiwetʼkoge am doko sarhaomea cetʼleka teheń amiń sarhaoetʼme; apat do acʼren hoponko amakʼ gokʼakʼ reakʼ kathae lạiyako leka.