Dosar Biboron 4:1 - সান্তালী বাইবেল

¹ “E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 4:1 Referans Kwoze

Romiko lạgitʼ Pạul Apostolakʼ ciṭhi 10:5

Ạn-ạriko pańjaete dhorom ocokʼ babotre Moseye olakada, “Okoe hoṛ ạn-ạriko reakʼ katha lekae calakʼkan uni do ona hotetege jiwetʼe tahena.”

Dosar Biboron 8:1

“Teheń okako hukum iń emapekan ona reakʼ mitʼke mitʼ manao reakʼ luturakʼpe, jemon jiwetʼpe tahen arpe saṅge idikʼ ar Probhu Isor aperen hapṛamko ṭhen okaṭakʼ disạm emape lạgitʼ kiriạkateye gokʼletʼ onḍe bolokate onape ạidạri daṛeakʼ.

Jeheskel 20:11

Onko do ińakʼ niạmkoń ematʼkoa ar ińakʼ ạn-ạrikoń baḍae ocoketʼkoa; ar okoe onae manaoa uni do ona hotetege jione ńama.

Levitikus 18:5

Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.

Dosar Biboron 30:16

Teheń ape ṭhen ińakʼ hukum do noage, aperen Probhu Isorpe dulạṛea, uniyakʼ hortepe calakʼa ar uniyakʼ hukum ar niạmkope manaotaea. Enḍekhan ape do jiwetʼpe tahena ar lekhatepe saṅge idikʼa, ar okaṭakʼ disạm dokhol lạgitʼpe senokʼkan onḍe aperen Probhu Isor do apeye bhorapea.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Levitikus 22:31

Ape do ińakʼ hukumpe manaoa ar ona lekape calakʼa. Ar ińkangeạń Probhu Isor do.

Levitikus 19:37

Ińakʼ sanam niạmko manaope ar ińakʼ sanam ạn-ạriko dohoype. Iń kangeạń aperen Probhu Isor do.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.

Jeheskel 11:20

Enḍekhan onko do ińakʼ niạm lekako calakʼa ar ińakʼ ạn ạriko joton salakʼko palona. Onko do ińren hoṛko hoyokʼa ar iń do onkoren Isoriń hoyokʼa.

Sereńko 119:4

Am do ạn ạrikom ṭhik dohoakada jemon joton salakʼ onale manao.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 16:20

Okaṭakʼ disạm do aperen Probhu Isore emape lạgidokʼkan, onḍe jemonpe dokhol daṛeakʼ onate hok reakʼ manaope.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 4:8

Nonkan ar okoe jạtren menakʼkoa one onkoakʼ niạm ar ạn-ạriko ape ṭhen teheń iń emakʼ niạm leka hokte perecʼge?

Levitikus 20:8

Ińakʼ niạmko sapʼ dohoype ar onaleka calakʼpe. Iń kangeạń aperen Probhu Isor do, ar iń lạgitʼge ape doń begar dohoakatʼpea.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Exodus 18:20

Ona tayom do sanam niạm ar hukumko reaṅ ben husiạrkoa. Ona chaḍa cetʼleka calakʼ hoyokʼa ar cetʼkoko kạmiya ona hõ ben bujhạuakoa.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Levitikus 19:19

“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Dosar Biboron 6:24

Teheń leka jemon jao okte aboakʼ bhạlại hoyokʼ ar jiwetʼbon tahẽ daṛeakʼ onate Probhu Isor do noako niạm pańjae ar uni sewawae reakʼe hukum akada.

Dosar Biboron 7:11

Onate teheń ape okako hukum ar niạmko ar bicạrkoń emapekan ona do joton salakʼ manaope.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 9:1

“E Israelko, ańjompe, okoe jạtrenko ape khon lekhareko ḍherge ar daṛe hõko daṛege ar onkoakʼ serma ṭuṅgạu usul pạcriko ar maraṅ maraṅ nagrahako ńitokʼ ape do onako dokhol lạgitʼ jordan gaḍape parom lạgidokʼkana.

Dosar Biboron 13:1

“Ape modren jãhãn nạbi se kukmũ ńelkate tayom daram reakʼ kathae lại daṛeakʼ nonkanicʼ jãhãeye upellen khan ar ape ṭhen jãhãn hahaṛa cinhạ se kạmi reakʼ kathae men ar sạrige ona hoyokʼ. Ar uni hoṛ hõ ape ṭhen nãwãn nonkan debotako reaṅ katha lạiyapeteye men, ‘dela bon pańjakoma arbon sewawakoma,’

Josuạ 3:9

Josuạ do Israelkoe metatʼkoa, “Ape do nonḍe hijukʼpe ar aperen Probhu Isor okae menakatʼ ona ańjompe.

Jirimiạ 11:6

Probhu Isor do Jihudạ reakʼ nagrahakore ar Jerusalem reakʼ kulhikore niạ lại sodor lạgitʼe metadińa, “Niạ bondobos reakʼ kathako ańjomkate ona manaope.