Dosar Biboron 34:9 - সান্তালী বাইবেল

⁹ Nunren hopon Josua cetanre Mose do tiye capoade tahẽkante uni do ạkilte ar Jiuteye perecʼena. Onate Israelko do uniyakʼ katha leka calakʼko ehopʼena ar Probhu Isor Mose hotete okae hukumletʼ ona dokʼhoko ehopʼena.

Dosar Biboron 34:9 Referans Kwoze

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Daniel 6:3

Daniel do acʼakʼ gun iạte eṭakʼ raj-ạkʼyurko ar disạmren cakʼlaoko khon arhõ bhage utạricʼ menteye sạbudena. Ona iạte maharaj do goṭa rajosṭi cetanre bahale reakʼe monejoṅana.

2 Rapajko 2:15

Jerikhoren okoe nạbiko onḍeko teṅgo akan tahẽkan onko do Elisae hijukʼko ńelkede khanko menkeda, “Eliạren jiu do Elisae cetanreye thamgạḍi akana.” Onko do Elisae sãote ńapamokʼ lạgitʼko senena ar otre ombakʼkate ḍobokʼ adeteko metadea,

2 Rapajko 2:9

Arkin parom calaoen khan Eliạ do Elisaye metadea, “Lạiyạń me, am ṭhen khon ạuriń rakapʼ ocokʼre iń do am lạgitʼ cetʼ iń cekaea?” Elisaye roṛ ruạṛkeda, “Amakʼ jiu reakʼ dobṛa baṛe ińre paṛaokʼma.”

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Kolossiko lạgitʼ Pạul Apostolakʼ ciṭhi 2:3

Mạsirege sanam lekan bud ar akelko do oko menakʼa.

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Exodus 31:3

Iń do Besalelge ińren Jiuteń perecʼ akadea. Uni do ạkilte, bujte, bidiạte ar sanam lekan kạrigol kạmi reakʼ daṛeń emakawadea.

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

1Timothi 4:14

Manḍerren murubbiko capokateko koeyatʼme tahẽkanre nạbi lekate katha roroṛ hotete okaṭakʼ danko ematʼme tahẽkan, ona daya dan do alom ḍhilạua.

Dosar Biboron 34:8

Ar Israelko do Moab reakʼ bilạn ṭạnḍire Mose lạgitʼ pegel din hạbicʼko homor halaṅkeda. Ar ona tayom do homor halaṅokʼ reakʼ dinko mucạtʼena.

Exodus 12:28

Mose ar Aron Probhu Isor okaṭakʼ hukume ematʼkin tahẽkan onkage Israel hoponko do ruạṛ senkateko kạmikeda.

Exodus 28:3

Ar okoe gạkhuṛ kạrigolko akel emokʼicʼ jiuteń perecʼ akatʼko, onkom metakoa jemon onko do Aron lạgitʼ kicricʼko benaote naeke lekate iń sewawạń lạgitʼe begar doho ocokʼ.

1 Bõsbudạ 29:23

Unre Solomon do acʼren apat Dạud bodolte raj lekate siṅghạsonreye duṛupʼena. Ar sanamakʼre uni doe jo bahayena ar sanam Israelko do uniyakʼ katha lekako calakʼkan tahẽkana.