Dosar Biboron 34:1 - সান্তালী বাইবেল

¹ Ona tayom Mose do Moab ṭạnḍi khon Nebo burute, Jerikho mohnḍa muhunḍire menakʼ Pisga reakʼ muthnireye decʼena. Ar Probhu Isor do onḍe khon goṭa disạme udukʼadea. Uni do Gilead khon Dan hạbicʼ goṭa jaega,

Dosar Biboron 34:1 Referans Kwoze

Johan sodor 21:10

Tayomte uni serma goḍet do mitʼṭecʼ maraṅ ar usul buruteye idikedińa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

Jeheskel 40:2

Isor emakʼ dorson talate uni do Israel disạmteye idikedeńte mitʼṭecʼ usul buru cetanreye dohokedińa. Ona buru reakʼ dạkhin aṛere adom dolan oṛakʼko tahẽkana onako do ńelokʼte nagraha leka tahẽkana.

Josuạ 19:47

Dan gusṭirenko do akoakʼ joto bakhra bako hat daṛeatʼ tahẽkante onko lạgitʼ jaega do huḍińge tahẽkana. Onate onko do Lesem nagrahako akromonketʼte onḍenko hoṛko bhagaoketʼkoa ar sanamko gocʼketʼkote onako hatkeda. Ar onko do Lesemre girobasokʼko ehopʼena ar onkoren hapṛamkoakʼ ńutum lekate ona jaega reakʼ ńutum do “Dan” ko dohokeda.

Dosar Biboron 32:49

“Am do Jerikho samaṅ reakʼ Moab disạm reakʼ Abarim buru reakʼ Nebo muthnite dejokʼme ar sompotti lekate Israelko okaṭakʼ Kanan disạmiń emako lạgidokʼkan ona mitʼ dhao ńelme.

Numeri 27:12

Inạ tayom Probhu Isor do Moseye metadea, “Am do Abarim burute decʼkate oka disạm Israelkoń ematʼko ona baṛe beṅgetʼakʼme.

Bikʼcạrko 18:29

Nagraha reakʼ laha ńutum Layis tahẽkanre hõ onko do akoren hapṛamkoakʼ ńutum lekate ona reakʼ ńutum do Danko dohokeda. Dan do Israelren hopone tahẽkana.

Dosar Biboron 34:4

Ona tayom Probhu Isor do uniye metadea, “Noage ona disạm do one Abraham, Isạhak ar Jakob ṭhen kiriạkateń menletʼ, ‘Noa disạm do aperen bõskoń emakoa.’ Ar noa disạm do amakʼ mẽtʼteń ńel ocoketʼmea, menkhan gaḍa paromkate onḍe calakʼ do baṅ hoyokʼtama.”

Dosar Biboron 32:52

Onate okaṭakʼ disạm Israelkoń emako lạgidokʼkan ona do eken sạṅgiń khonem ńela menkhan onḍe do bam bolo ńama.”

Dosar Biboron 3:27

Am do Pisga buru muthnite rakapʼkate utạr- dạkhin ar purub-pạchim secʼ beṅgedme. Jordan gaḍa bam parom daṛeakʼre hõ amakʼ mẽtʼte disạm do mitʼdhao ńelme.

Genesis 14:14

Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

Genesis 13:14

Lote begaren khan Probhu Isor do Abrame metadea, “Am oka jaegarem teṅgo akan onḍe khon utạr, dạkhin ar purub pạchim beṅgetʼ ạcurme.

Numeri 23:14

Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Josuạ 22:9

Onate Probhu Isor Mose okaṭakʼe hukumade tahẽkan onkage Ruben ar Gad gusṭirenko ar Manase gusṭiren adha hoṛ do apnar lạgitʼ okako jaegako ńamletʼ ona Gilead ṭoṭhate ruạṛ calakʼ lạgitʼ Kanan disạm reakʼ Silore Israelko ṭhen khon bidạko hataokeda.