Dosar Biboron 33:4 - সান্তালী বাইবেল

⁴ Abo ṭhen Mose okako ạn-ạrikoe emakan, ona do Jakob bõsrenkoakʼ dhon kana.

Dosar Biboron 33:4 Referans Kwoze

Johan 7:19

Mose do cetʼ ạn-ạriko bae emakatʼpea? Menkhan ape modre okoe hõ onako ạn do bape manaoeda. Enḍekhan cedakʼ gojeń lạgitʼ dope kurumuṭuyeda?”

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Sereńko 119:72

Amakʼ moca reakʼ hukum iń ṭhen do hajar hajar sona rupạ khon hõ damangea.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Sereńko 147:19

Uni do Jakob ṭhen acʼakʼ kathae sodor akada, ar Israelko ṭhen hõ acʼakʼ ạn ạrikoe doho akada.

Levitikus 26:46

Noa do onako ạn-ạri ar hukum ar niạmko kana okaṭakʼ do sinại burure Mose hotete Probhu Isor do acʼakʼ bondobos menkate Israelko lạgitʼe bandhaoletʼ tahẽkan.