Dosar Biboron 33:3 - সান্তালী বাইবেল

³ “Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

Dosar Biboron 33:3 Referans Kwoze

Luk 10:39

Martharen do Mạriạm ńutuman mitʼṭen boeha kuṛiye tahẽkana. Uni do Probhu Isorakʼ jaṅga pheḍre duṛupʼkate kathae ańjomkan tahẽkana.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Aposkạmi 22:3

“Iń doń Jihudi hoṛkana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Luk 8:35

Unre hoṛko do cetʼ hoyakana mente ńel lạgitʼ bahreteko oḍok hecʼena. Ado Jisu ṭhenko seṭeren khan bhut capaṛ akawade hoṛ do kicricʼ horokʼ akatʼ ar mạ̃hir monte Jisuakʼ jaṅga ṭhen duṛupʼ akanko ńelkedea. Noa ńelte onko do botor caṛhaoatʼkoa.

Luk 2:46

Ado pe din tayom unkin do mundilrekin ńamkedea. Uni do guruko talare duṛupʼkate onkoakʼ kathae ańjomkan ar onkoe kuliyetʼko tahẽkana.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Kạhtukko 2:1

E bạbu, ińakʼ katha baṛem ańjomletiń khan ar amakʼ ontorre ińakʼ sanam hukumkom bae dohokakʼ khan,

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”

Sereńko 47:4

Unige aboakʼ sompottiye begar dohoakada; ona do Jakobakʼ gorbo reakʼ kangea. (Sela)

Sereńko 31:15

Amakʼ tirege ińakʼ okteko do; okoe ińko khudạuedeń kan onko bạirikoakʼ ti khon amge bańcaoińme baṛe.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

1 Johan 4:19

Uni do pạhilre aboe dulạṛ maṛaṅ ketʼbontege abo hõ uni bon dulạṛede kana.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

Mathae 23:2

“Sostor baḍaeko ar Phạrusiko do ạn-ạriko cecetʼakʼ babotre Moseyakʼ jaegaregeko duṛupʼ akana.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Sosolhayic̕ 9:1

Ona iạte iń do niạko reaṅiń hudiskeda ariń ńelkeda, dhorom ar ạkilan hoṛko ar onkoakʼ kạmi do jotoge Isorakʼ tire menakʼa. Okoehõ bako baḍaea onko samaṅre cetʼ menakʼa mente- dulạṛ se edre.