Dosar Biboron 33:1 - সান্তালী বাইবেল

¹ Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Dosar Biboron 33:1 Referans Kwoze

Josuạ 14:6

Jihudạ gusṭiren hoṛko do Gilgalte Josuạ ṭhenko senena ar Kenisi Jephunren hopon Kaleb do uniye metadea, “Probhu Isor do Kades-Barneare acʼren hoṛ Mose ṭhen iń ar am reaṅ okae menletʼ ona dom baḍaegea.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

2Timothi 3:17

jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Sereńko 90:1

E Probhu Isor, piṛhike piṛhi am kangeam aleren thamgạḍi do.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

1 Samuel 2:27

Mitʼdin Isorren mitʼṭen hoṛ do Eli ṭhen hecʼkateye menkeda, “Probhu Isore meneda, ‘amren hapṛamko tinre Misorre pharao gobolreko tahẽkana unre onko ṭhen iń do cetʼ pusṭạute bạń sodorlena?

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Genesis 49:28

Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Genesis 27:4

Ar ona tayom do ińiń kusiyakʼ leka sebel jomakʼ tearme ar ạguạńme, jemon gujukʼ lahare ona jomkateń bhor oṭowam.”

1 Bõsbudạ 23:14

Menkhan Isorren hopon Moseren sarecʼ hoponko do Liwiko modreko lekhayetʼko tahẽkana.

Jirimiạ 35:4

Iń do Probhu Isorakʼ oṛakʼte Isorren hoṛ Igdaliaren hopon Hananren hoponkoakʼ kandhateń idiketʼkoa. Ona do Salumren hopon pahradar Maseyawakʼ kandha cetanre kạmiyạkoakʼ kandha aṛere tahẽkana.

2 Bõsbudạ 8:14

Uniren apat Dạudakʼ hukum lekate uni do naekeko dạyike emako lạgitʼ eṭakʼ eṭakʼ dolreye hạṭińketʼkoa ar dinạm hilokʼ reakʼ kạmi lekate sarhao sereń lạgitʼ ar naekeko goṛowako lạgitʼ uni do Liwikoe bahalketʼkoa. Mitʼke mitʼ phaṭok duạr lạgitʼ uni do rurukhiyạko dol lekateye bahalketʼkoa, ente nonkage Isorren hoṛ Dạud doe hukumletʼ tahẽkana.