Dosar Biboron 32:7 - সান্তালী বাইবেল

⁷ “Sedaeakʼ ona dinko reakʼ katha disạipe; aperen ḍher din laharen hapṛamkoakʼ kathako baṛe hudispe. Onako din reakʼ kathako aperen apatko ṭhen kulijoṅpe, onko do apeko lạiyapea; ar haṛam hoṛko kulikope, onko do apeko bujhạuapea.

Dosar Biboron 32:7 Referans Kwoze

Sereńko 44:1

E Isor, sedaere aleren hapṛamko oktere okaṭakʼem cekaletʼ onko reaṅ katha ale do apnarakʼ luturtele ańjomleda.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Dosar Biboron 4:32

“Isor do dhạrtire manwa sirjạukede tayom khon ar apeko bidạl reakʼ laha dinko khon khoj hataokate ńelpe; serma reakʼ mitʼ mucạtʼ khon eṭakʼ mucạtʼ hạbicʼ kulijoṅpe, okako hoyakan ona lekan maraṅ ar jãhãnakʼko hoyakana se baṅa, se ona lekan jãhãnakʼ ańjom akana se baṅa,

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Sereńko 119:52

E Probhu Isor, ḍher din lahare emakʼ amakʼ ạn ạriko reakʼ kathań disạite iń do apnarte jiwi raṛecʼiń ńameda.

Sereńko 77:8

Uniyakʼ asambheṛ daya do cetʼ jaejug lạgitʼ caba utạrena? Ar uniyakʼ gokʼakʼ hõ cetʼ mạutạ utạrokʼa?

Sereńko 10:6

Uni do mone moneteye meneda, “Nonkanakʼ cetʼge bạnukʼa one onate ińe dalhao daṛeạń; ar ińakʼ muskil do tishõ baṅ hoyokʼa.”

Exodus 12:26

Aperen hopon ar hoponerako tinreko kulipea, ‘noa reakʼ mane do cetʼkana mente?’

Sereńko 78:5

Uni do Jakob bõsrenko cetanre acʼakʼ hukume teṅgokeda, Israel jạtrenko lạgitʼ uniyakʼ ạn ạrikoe bandhaokeda; ona ạn ạriko akoren gidrạko cetʼako lạgitʼ uni do aboren hapṛamkoe hukumatʼko tahẽkana,

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.