Dosar Biboron 32:41 - সান্তালী বাইবেল

⁴¹ Ińakʼ malkaokʼkan tarwaṛe iń doń lasertińạ, ar bicạr reakʼ ray purạu lạgitʼte ona doń saba, ar ińren bạirikoń sạjạikoa, okoe ińko hirkhạwạń onko do kuṛạiyiń emkatakoa.

Dosar Biboron 32:41 Referans Kwoze

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Sereńko 7:12

Bạṛicʼ hoṛko bako ạcur ruạṛlen khan uni do acʼakʼ tarwaṛeye lasertaea ar acʼakʼ akʼe gakʼ tearkakʼa.

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Romiko lạgitʼ Pạul Apostolakʼ ciṭhi 1:30

eṭakʼkoakʼko oktawa ar Isorko hirkhạwaea. Onko do raṅgakʼko, usul monanko ar bạḍạiko, kanako. Bedhorom kạmi lạgitʼ nãwã nãwã ponthako ńamtotʼeda. Onko do go-baba bebataoko kanako,

Mark 1:2

Jesaea nạbiyakʼ puthire noa katha ol akana; Ńelme, ińren goḍet do am lahateń kolekana. Uni do amakʼ hore teara.

Sephaniạ 2:12

Probhu Isore meneda, “E Kusrenko, apehõ ińakʼ tarwaṛetepe gujukʼa.”

Jeheskel 21:20

Tarwaṛe lạgitʼ Amonrenko do Raba nagraha upạrte calakʼ reakʼ mitʼṭen hor ar Jihudạ ar pạcrite esetʼ nagraha upạrte calakʼ lạgitʼ horre mitʼṭecʼ cinhạ dohoyme,

Jirimiạ 50:29

Probhu Isore meneda, “Babelrenko birudre sanam dhinkiạko hoho jarwakope. Ona beṛhaete lạṛhại phạdkoakʼ ḍera benaope; okoehõ alope dạṛ ocokoa. Uniyakʼ kạmi reakʼ kuṛại ńam ocoyaepe. Uni okalekae ceka akatʼ ape hõ unire onkage kạmipe, ente uni do Probhu Isor upạrte, Israelren uni sonoticʼ upạrte apnarteye maraṅokʼ kana.

Jesaea 66:6

Ańjompe, nagrahare kạumạu ańjomokʼ kana; ańjompe, mundil khon aṛaṅ ańjom hijukʼkana; noa do Probhu Isorakʼ aṛaṅkangea uni do acʼren bạirikoe sạjạiyetʼkoa.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Numeri 10:35

Goha sinduk tinre mohnḍakʼkan tahẽkana unre Moseye menetʼ tahẽkana, “E Probhu Isor de beretʼme. Amren bạiri doko chirchạtur cabakʼma ar okoe amko kurudamkan onko do am samaṅ khonko ńir pharakokʼ ma.”

Sereńko 31:23

E sanam Isor bhokti hoṛ, ape do Probhu dulạṛepe biswạsiko do Probhu Isorgeye rukhiyạkoa menkhan phulạukʼkanko do purạteye sạjạikoa.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Jirimiạ 50:28

Ańjompe, Babel khon ńir paskao akan hoṛkoakʼ aṛaṅ do Sionre hecʼkateko lại jạhiretʼkana, aboren Probhu Isor do cetʼleka acʼakʼ oṛakʼ iạteye hala hạlikʼ kana.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Dosar Biboron 7:10

Menkhan okoe uniko kurudaekan onkoe doe hala ruạṛakoa are marao giḍikoa; ar ona onkae lạgitʼ do bae biloma.

Sereńko 7:13

Uni do acʼakʼ gogocʼ khanḍaye ṭhik dohoakada, ar acʼakʼ sarkoe seṅgel sar akawada.

Sereńko 149:9

ar onko upạrte bicạrre oka ray ol akan ona kạmireko lagao daṛeakʼ. Ar noako jotowakʼ do uniren sanam bhoktokoakʼ mạhima kana. Probhu Isorakʼge sarhao hoyokʼtae ma.

Jirimiạ 50:18

Ona iạte iń phạdkoren Probhu Isor do Ạsurren raj cetʼ lekań sạjạilede onkage Babelren raj ar uniyakʼ disạmre hõ sạjạiyiń ạguiya.

Jeheskel 25:14

Iń do ińren hoṛ Israelkoakʼ tite Edom cetanreń hala hạliya ar onko do ińakʼ edre ar khĩs lekate Edom birudteko kạmiya. Unre onko doko baḍae daṛeakʼa, ińgeń hala hạli akada mente.”

Jeheskel 32:10

Iń do am cetanre okań cekae ona ńelte ḍher jạtrenko doko tharbasaokʼa. Ar onko samaṅre tinre ińakʼ tarwaṛeń ạcurtińạ unre onkoren rapajko do botorteko thar tharaokʼa. Amakʼ ńurokʼ dinre onkoren mimitʼko do akoakʼ jiwi botorte jao okteko thar tharaokʼa.