Dosar Biboron 32:4 - সান্তালী বাইবেল

⁴ “Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 32:4 Referans Kwoze

Sereńko 92:15

Onate porcarokʼa, Probhu Isor doe dhoromgea; unige ińren daṛe do ar unire jãhãn behok do bạnukʼa.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Romiko lạgitʼ Pạul Apostolakʼ ciṭhi 3:5

Menkhan aboakʼ behokakʼ kạmiko khon arhõ pusṭạute bujhạukʼ kana, Isor do jaoge hok reakʼe kạmikana. Enḍekhan cetʼ bon menkea, aboe sạjạiyetʼ bonre uni doe behokeda? Iń do manwa lekateń roṛeda, sạrige uni do tishõ bae behoka.

Romiko lạgitʼ Pạul Apostolakʼ ciṭhi 2:2

Baḍaegea bon okoe nonkanakʼko kạmikan Isor do onko hok reakʼgeye bicạrkoa.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Jesaea 25:1

E Probhu, am kangeam ińren Isor do; iń do amgeń sarhaomea ar amakʼ ńutumgeń õṛhẽytama. Oka hahaṛawakʼ kạmiko ḍher din khonem goṭa akatʼ ona do amge purạ pạtiạr salakʼem kạmi akada.

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.

Johan 5:22

Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Jobakʼ 34:10

“Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

Dosar Biboron 32:18

Ape do ona asray burupe nihạ̃t giḍiakada okoe doe aperen babakan; uni Isor dope hiṛiń akadea okoe do eṅgat leka bedon talate noa dhạrtiteye ạguakatʼpe.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Jakob 4:12

Eken mitʼ hoṛge menaea okoe do ạn-ạrikoe emokʼkan are bicạrkan. Unigeye rukhiyạ daṛeakʼa are marao daṛeakʼa. Am dom okoekante am aḍepaseren hoṛakʼ doskom ńam baṛayeda?

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 30:18

Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Sereńko 31:5

Amakʼ tire ińakʼ jiwiń jimạyetʼtińạ, ente E Probhu, pạtiạranicʼ Isor, amgem chaḍao akadińạ.

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

Sereńko 18:46

Probhu Isor doe jiwetʼgea. Ińakʼ asray cạṭạini do sarhao hoyokʼtae ma, ar ińakʼ bańcaokʼren Isor doe usulokʼma.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Jobakʼ 35:14

Am dom meneda, uni bam ńel ńame kana, amakʼ mambla do uni samaṅrege menakʼa, ar ona reakʼ bicạr lạgitʼem ńel hohorkana.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

2 Samuel 22:47

Probhu Isor doe jiwetʼgea. Ińakʼ asray cạṭạini do sarhao hoyokʼtae ma. Ińren Isor, okoe doe ińren rurukhiyạicʼ burukan, uni doe usulokʼma.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.

Dosar Biboron 10:18

Uni do ṭũạr amar ar rạnḍikoakʼ hoke chinḍạuetʼtakoa ar ape talareko girobasokʼkan por jạtrenko hõe jom ocoyetʼkote acʼakʼ dulạṛe sodoreda. Are horokʼ bande ocoyetʼkoa.

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Genesis 1:31

Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

Jobakʼ 8:3

Isor do cetʼ hok upạrteye kạmikana? Sanam daṛeanicʼ do cetʼ ṭhikakʼ doe beṭhikeda?

Jobakʼ 36:23

Okoe uni doe sudhrạu daṛekea se uniye men daṛekea, ‘am dom behok akada?’

Sereńko 78:35

Onko doko disạkeda Isor kangeae onkoren aotan buru, ar maraṅ Isorge onkoren chakʼḍaoicʼ.

Sereńko 90:16

Amren golamko ṭhen amakʼ kạmi ar onkoren gidrạko ṭhen amakʼ ṭhonok sodorme baṛe.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Sereńko 33:4

Probhu Isorakʼ katha do sạrigea, uni do sanam kạmireye pạtiạrgea.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.