Dosar Biboron 32:30 - সান্তালী বাইবেল

³⁰ Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 32:30 Referans Kwoze

Levitikus 26:8

Ape do eken mõṛẽ hoṛte mitʼsae bạiriko ar mitʼsae hoṛte gel hajar bạiripe laga ńirkoa, ar bạiriko do ape samaṅreko gujukʼa.

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Sereńko 44:12

Am do begor damtege amren hoṛkom ạkhriń akatʼkoa; ar noa iạte cetʼ amakʼ jãhãnakʼ lab hoyakantama?

Jesaea 52:3

Probhu Isore meneda, “Begor damtem ạkhriń ocolena arhõ begor damtegem chaḍao ocokʼa.

2 Bõsbudạ 24:24

Jihudạren hoṛko do akoren hapṛamkoren Probhu Isorko bạgiyade tahẽkante Aramren lạṛhại phạdko do thoṛageko tahẽkanre hõ Probhu Isor do maraṅ lạṛhại phạdko onkoakʼ tireye jimạkatʼkoa. Nonkate Aramrenko hotete Joas doe sạjại ocoyena.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jobakʼ 11:10

Uni do hecʼkate hajotreye bondilem khan ar bicạr ṭhene idilem khan, enḍekhan okoe uni doe akoṭ daṛekea?

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Mathae 18:25

Uniyakʼ do halateakʼ cetʼ hõ baṅ tahẽkantaea. Onate kisạ̃ṛ doe hukumkeda uni ar uniren era hopon ar uniyakʼ menakʼakʼ jotowakʼko ạkhrińkate jemon paona ạdạiyokʼtae.

Jobakʼ 16:11

Isor do bedhorom hoṛko ṭhene soprot akadińạ; bạṛicʼ hoṛkoakʼ tireye capatʼ khadle akadińạ.

Levitikus 26:7

Aperen bạirikope laga ńirkoa ar onko do ape samaṅreko gujukʼa.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.

1 Bõsbudạ 12:14

Noko Gadiạko do lạṛhại phạdren mukhiyạko tahẽkana. Onko modre okoe do huḍiń utạricʼe tahẽkan unige mitʼsae hoṛ somane tahẽkana ar okoe joto khon maraṅicʼe tahẽkan uni do eskarge mitʼ hajar hoṛko somane tahẽkana.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

2 Rapajko 7:5

Noa menkate ńuhumokʼ laha onko do Aramrenkoakʼ ḍerateko senena. Ar senkateko ńelkeda onḍe do mitʼ hoṛ hõ bạnukʼkoa.