Dosar Biboron 32:25 - সান্তালী বাইবেল

²⁵ Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Dosar Biboron 32:25 Referans Kwoze

Jeheskel 7:15

“Nagraha bahrere do lạṛhại ar bhitrire do mahamạri ar akal menakʼa; ar okoe bahrereko tahen onko do lạṛhạiteko gujukʼa, ar okoe nagraha bhitrireko tahen onko do akal ar mahamạriteko jom ocokʼa.

Rak̕joṅ 1:20

E Probhu Isor, ńelme, tinạkʼ iń kosṭokʼ kana! Iń bhitrire hõń sasetokʼ kana. Ińakʼ ontor do torasokʼ kantińạ, ente iń do huhulicʼ iń hoyakana. Nagraha bahrere do tarwaṛe jiwiye hataoeda, ar bhitrire do eken gujukʼge menakʼa.

2 Korinthiko 7:5

Makedoniạte seṭerkatere hõ hoṛmore jãhãn aosan bale ńamlakʼa; ale do joto secʼ khonge dukle ńametʼ tahẽkana; ar sanam secʼge gulmal ar ontorre botor tahẽkana.

Rak̕joṅ 4:4

Nunu gidrạkoakʼ alaṅ do tetaṅte tạrure jalatʼakana; gidrạko do jomakʼko kokoekana, menkhan celehõ bako emakokana.

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

2 Rapajko 7:5

Noa menkate ńuhumokʼ laha onko do Aramrenkoakʼ ḍerateko senena. Ar senkateko ńelkeda onḍe do mitʼ hoṛ hõ bạnukʼkoa.

Jirimiạ 44:7

“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Hosea 11:6

Onkoakʼ nagrahakore botorge lạṛhại hoyokʼa; onate onkoakʼ phaṭok duạrko reakʼ huṛkạṛko do rạpudokʼtakoa ar onkoakʼ goṭawakʼ iạte onko doko marao utạrokʼa.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.