Dosar Biboron 32:22 - সান্তালী বাইবেল

²² Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Dosar Biboron 32:22 Referans Kwoze

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jirimiạ 15:14

Oka disạm reakʼ katha bam baḍaeakatʼ ona disạmre amren bạirikoren golamiń hoyocomea, ente ińakʼ edre seṅgel do am cetanre jolakana ar ona do jaejug hạbicʼ jolokʼa.”

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Ibriko 12:29

Ente aboren Isor do ḍahao maraoakʼ seṅgel lekanae.

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 18:9

Amakʼ mẽtʼ kại horteye idime khan ona hõ hoṭor totʼ giḍikakʼme. Banar mẽtʼ tahentam tulucʼ norok seṅgelrem khadle ocokʼ khon mitʼ mẽtʼante jionrem bolokʼge am lạgitʼ bogea.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Rak̕joṅ 2:3

Jaljalaokʼkan edrete uni doe makʼ giḍi akada Israel reakʼ mitʼke mitʼ dereńko. Bạiriko samaṅ khon uni do acʼakʼ jojom tiye or ruạṛ akatʼtaea. Beṛhaete sanamakʼko ḍahao lạgitʼ uni do seṅgel lepʼ leka Jakobreye jol rakapʼ akana.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Sereńko 144:5

E Probhu Isor, amakʼ serma khon pheḍ hijukʼme; ar buru boṭkocʼko joṭedme jemon onako khon dhũạ oḍokokʼ.

Sereńko 97:3

Seṅgel do uni laha lahate calakʼ kana; ona seṅgel do uni beṛhaeten sanam bạirikoe ḍahao maraoetʼkoa.

Sereńko 83:14

Birre seṅgel lagaolenre cetʼleka dareko lokʼa ar seṅgel reakʼ lepʼ do cetʼleka burukoe lo ataretʼ,

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Sereńko 21:9

Amem sodorokʼre onko do culhạ reakʼ jolokʼkan koela lekam hoyocokoa. Probhu Isor do edreteye utʼgotʼkakoa, ar uniyakʼ seṅgelte onko doe atar giḍikoa.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Numeri 16:33

Onkoakʼ oka tahẽkan onako sudhạ onko do jiwetʼtege patalpuriteko ńurena. Ar ona tayom paṛakʼ do bondena. Ar Israelko tala khonko marao utạrena.

Jeheskel 38:19

Iń do jaljalaokʼkan edreteń lại sodoretʼkana, ona jokhecʼ Israel disạmre ạḍi botor dhạrti laṛao hoyokʼa.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.

Jeheskel 19:12

Menkhan Probhu Isor do edre onae or totʼketʼte otreye giḍikada. Puruạ reakʼ hoete ona do rohoṛena, ona reakʼ jo do goso ńurena; uniyakʼ keṭecʼ ḍạrko do rạputʼente rohoṛena, ar seṅgel do onae jomkeda.

Jeheskel 22:21

Iń do apeń jarwapea ar ińakʼ jolokʼkan edreyiń oṅapea ar ape do nagraha talarepe galaokʼa.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.