Dosar Biboron 32:16 - সান্তালী বাইবেল

¹⁶ Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Dosar Biboron 32:16 Referans Kwoze

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

1 Rapajko 14:22

Ar Jihudạren hoṛko do Probhu Isorakʼ mẽtʼre oka bạṛicʼakʼ kan onage kạmiko ehopʼena. Akoren hapṛamko khon hõ akoakʼ kại hotete Probhu Isorakʼ pit do arhõ bạ̃ṛtiko rakapʼ ocoketʼtaea.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Levitikus 18:27

Laha khon okoe ona disạmreko girobasokʼ kan onko do onkako kạmikante disạmko besapha akada.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Sereńko 106:29

Noa bạṛicʼ kạmiko hotete onko do Probhu Isorko edre ocokedea, onate onkore duk do boloyena.

Jesaea 43:12

Ińiń lại jạhireda, ariń bańcao akatʼpea ariń sodoreda; unre ape talare cele debota hõ bako tahẽkana. Ar niạ reaṅ do apege ińren gohako kanape. Iń Probhu Isorge inạ katha doń meneda; ińkangeạń Probhu do.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

1 Rapajko 14:9

Am lahate okoeko tahẽkan onko khonhõ am do ḍher bạṛicʼem kạmi akada. Am do apnar lạgitʼ debotakom benao akawana ar chańcre dulakʼ muṭhạnem benao akada. Am dom be kusi ocoakadińa arem bạgi giḍi akadińạ.

2 Rapajko 17:11

Probhu Isor do okoe jạtrenko onko samaṅ khone laga ńirletʼko onko leka noko hõ than boṭkocʼkore dhupko jeretʼetʼ tahẽkana. Ona chaḍa onko do arhõ bạṛicʼakʼ kạmikate Probhu Isorko khĩs ocoyede tahẽkana.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”